الماتىدا حالىقتى كوروناۆيرۋسكە قارسى ەگۋ جانە رەۆاكسيناتسيا جالعاسۋدا

الماتى. قازاقپارات - الماتىدا تۇراقتى ەپيدەميولوگيالىق جاعدايدى قامتاماسىز ەتۋ ماقساتىندا حالىقتى ۆاكسينالاۋ جانە رەۆاكسيناتسيالاۋ جالعاسۋدا.
None
None

بۇل تۋرالى الماتى قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆونىڭ مالىمەتىنشە، الماتى قالاسىندا 2021 -جىلعى 1-اقپاننان باستاپ 2022 -جىلعى 26 -ساۋىرگە دەيىن ك ۆ ي- عا قارسى I كومپونەنتپەن - 1178796 ادام ەگىلدى، ال ۆاكسيناتسيانىڭ تولىق كۋرسىمەن 1143424 ادام قامتىلدى. سونداي-اق، 26-ءساۋىر كۇنى ك ۆ ي- عا قارسى 365855 ادام رەۆاكسيناتسيادان ءوتتى. بۇل رەۆاكسيناتسياعا جاتاتىن ادامدار سانىنىڭ %47,8 ىن قۇرايدى. جالپى، الماتىدا ك ۆ ي بويىنشا ەپيدەميولوگيالىق جاعداي تۇراقتى جانە قالا «جاسىل» ايماقتا تۇر.

دەگەنمەن، قالادا ۇجىمدىق يممۋنيتەت بۇگىندە %59,8 دى قۇرايدى. بۇل تۇراقتى ەپيدەميولوگيالىق جاعدايدى ۇستاپ تۇرۋ ءۇشىن جەتكىلىكسىز(يممۋندىق قاباتتىڭ كەمىندە %80- ىنا قول جەتكىزۋ قاجەت). قازىرگى ۋاقىتتا الماتى قالاسىنداعى بارلىق قالالىق ەمحانالاردا Qaz covidin/قازۆاك،VeroCell، « كوميرناتي» (Pfizer، ا ق ش) سياقتى COVID-19-عا قارسى ۆاكسينالار جەتكىلىكتى مولشەردە بار. بارلىق تىلەك بىلدىرۋشىلەر تۇرعىلىقتى جەرى نەمەسە جۇمىس، وقۋ ورنى بويىنشا اۋماقتىق قالالىق ەمحانالاردا COVID-19-عا قارسى ۆاكسيناتسيا، رەۆاكسيناتسيادان وتۋلەرىنە بولادى.

«الماتى قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتى قالاداعى تۇراقتى ەپيدەميولوگيالىق جاعدايدى ساقتاۋ ماقساتىندا تۇرعىنداردى ازاماتتىق جاۋاپكەرشىلىك تانىتىپ، ك ۆ ي- عا قارسى ۆاكسيناتسيا مەن رەۆاكسيناتسيانى كەيىنگە قالدىرماۋعا شاقىرادى. تەك ۇجىمدىق يممۋنيتەت بىزگە ادەتتەگى ءومىر سالتىن جۇرگىزۋگە مۇمكىندىك بەرەدى. ۆاكسيناتسيا - COVID-19 پاندەمياسىمەن كۇرەسۋدىڭ ەڭ ءتيىمدى ءادىسى! اۋرۋدى ەمدەۋدەن گورى الدىن الۋ وڭاي»، - دەلىنەدى دەپارتامەنتتىڭ حابارلاماسىندا. ايتا كەتەيىك، قازاقستاندا كوروناۆيرۋسكە

قارسى 9481030 ادام ۆاكسينا سالدىردى. سونداي-اق، وتكەن تاۋلىكتە 16 ادامنان كوروناۆيرۋس ينفەكسياسى انىقتالعانىن جازعان بولاتىنبىز.


سوڭعى جاڭالىقتار