جامبىل وبلىسىندا زاڭسىز التىن قازعان التى جىگىت ۇستالدى

مويىنقۇم. قازاقپارات - جامبىل وبلىسىنىڭ مويىنقۇم اۋدانىندا پوليتسەيلەر اۋماقتى پاترۋلدەۋ كەزىندە اقباقاي اۋىلىنىڭ ماڭىندا ورنالاسقان «قاراكوز» شاحتاسىندا تاۋ جىنىستارىن زاڭسىز وندىرۋمەن اينالىسقان ءبىر توپ ادامدى انىقتادى، دەپ حابارلايدى قازاقپارات.
None
None

پوليتسيا قىزمەتكەرلەرى 1976، 1992، 1994 جانە 1990-جىلدارى تۋعان التى جۇمىسشىنى ۇستادى. ونىڭ بەسەۋى - جامبىل وبلىسىنىڭ، ال بىرەۋى - الماتى وبلىسىنىڭ تۇرعىنى بولىپ شىقتى.

تەرگەۋ انىقتاعانداي، ۇستالعان ادامدار بيىلعى 21- ساۋىردە كەن ورنىنا جۇك ماشيناسىمەن كەلىپ، رۇقساتسىز قۇرامىندا التىنى بار كەندى قازىپ، 20 قاپقا سالىپ العان.

پرەفوراتور، گەنەراتور، تەمىر كەسكىش جانە بالعا تۇرىندەگى زاتتاي ايعاقتار تاركىلەندى. اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 334-بابى 1-بولىگى بويىنشا سوتقا دەيىنگى تەرگەۋ امالدارى باستالدى.

قازىرگى تاڭدا سوت- حيميالىق ساراپتاما تاعايىندالعان. مەملەكەتكە كەلگەن زالال كولەمى بەلگىلەنەدى.

سوڭعى جاڭالىقتار