وتباسىندا زورلىق-زومبىلىق جاسالعاندا جابىرلەنۋشىنىڭ پىكىرى ەسكەرىلمەۋى مۇمكىن

نۇر-سۇلتان. قازاقپارات - ۋچاسكەلىك پوليتسياعا تۇرمىستىق زورلىق-زومبىلىق جايتتارى بويىنشا جابىرلەنۋشىنىڭ پىكىرىن ەسكەرمەي ۇيعارىم شىعارۋ ۋاكىلەتى بەرىلەدى، دەپ حابارلايدى قازاقپارات ءتىلشىسى.
None
None

«كەيىنگى جىلدارى زاڭناماعا ىشكى ىستەر ورگاندارىنا قۇقىق بۇزۋ فاكتىلەرىنىڭ الدىن الۋعا مۇمكىندىك بەرەتىن وزگەرىستەر مەن تولىقتىرۋلار ەنگىزىلدى. وسىلايشا ءۇيبۇزاقىلارعا ىقپال ەتۋ تەتىكتەرى كەڭەيتىلىپ وتىر. قازىرگى تاڭدا ق ر ىشكى ىستەر مينيسترلىگى تۇرمىستىق زورلىق-زومبىلىقتىڭ الدىن الۋ مەن وتباسىنداعى زومبىلىقتىڭ الدىن الۋ جاعدايىنا تالداۋ جاساپ، وسى باعىتتاعى شارالاردى جەتىلدىرۋ بويىنشا بىرنەشە ۇسىنىس ازىرلەدى»، - دەپ جازىلعان ۆەدومستۆونىڭ قازاقپارات ساۋالىنا جولداعان جاۋابىندا.

اتالعان شارالاردىڭ اراسىندا وتباسىلىق-تۇرمىستىق زورلىق-زومبىلىق بويىنشا جابىرلەنۋشىنىڭ پىكىرىن ەسكەرمەستەن، ءوز بەتىمەن قورعاۋ ۇيعارىمىن ەنگىزەتىن ۋاكىلەت بەرۋ كوزدەلگەن.

«تاجىريبە كورسەتكەندەي، تۇرمىستىق زورلىق-زومبىلىققا ۇشىراعان ادامعا زورلىقشىل تاراپتان پسيحولوگيالىق قىسىم جاسالادى. ءوزى مەن وتباسى مۇشەلەرىنىڭ اماندىعى ءۇشىن جابىرلەنۋشىلەر ارىزدانىپ، ءىس قوزعاتۋدان باس تارتادى. سوندىقتان جابىرلەنۋشىنىڭ پىكىرى ءاردايىم وبەكتيۆتى بولا بەرمەۋى مۇمكىن. بۇل نورما بۇزاقىنىڭ ارەكەتىن قاتاڭ باقىلاۋعا الىپ، قۇقىق بۇزۋدىڭ الدىن الۋعا جول اشادى»، - دەپ جازادى مينيسترلىك ماماندارى.

ىشكى ىستەر مينيسترلىگىنىڭ مالىمەتىنشە، قازاقستاندا تۇرمىستىق زورلىق-زومبىلىق قۇرباندارىنىڭ 46 پايىزى - ەرلەر.


سوڭعى جاڭالىقتار