تەننيستەن قازاقستان جاس وسپىرىمدەر قۇراماسى گونكونگپەن وينايدى

نۇر-سۇلتان. قازاقپارات - ءۇندىستاننىڭ نيۋ-دەلي قالاسىندا 14 جاسقا دەيىنگىلەر اراسىندا الەم چەمپيوناتى ازيا/تىنىق مۇحيت ايماعى ىرىكتەۋ تۋرنيرىنىڭ شيرەك فينالىندا قازاقستان قۇراماسىنىڭ قارسىلاسى انىقتالدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەندەي، بۇگىن قازاقستاندىق جاس وسپىرىمدەر D توبىندا پاكستان قۇراماسىن 2:0 ەسەبىمەن ۇتتى.

وسىلايشا، ءوز توبىندا ءۇش كوماندانى دا جەڭگەن قازاقستان قۇراماسى شيرەك فينالعا ءبىرىنشى ورىنمەن جولداما الدى.

ەرتەڭ قازاقستاندىق جاس وسپىرىمدەر جارتىلاي فينالعا شىعۋ ءۇشىن گونكونگ كومانداسىمەن تالاسادى.

ەسكە سالا كەتەيىك، بۇدان بۇرىن قازاقستان جاسوسپىرىمدەر قۇراماسىنىڭ الەم چەمپيوناتىنىڭ ىرىكتەۋ كەزەڭىنىڭ شيرەك فينالىنا شىققانىن جازعان بولاتىنبىز.

سونداي-اق قازاقستاندىق تەننيسشى چەحياداعى تۋرنيردى جەڭىسپەن باستادى.