19:30, 27 - ءساۋىر 2022 | GMT +5
رەسەي مەن ۋكرايناداعى قىتايدىڭ درون كومپانياسى جابىلدى
نۇر-سۇلتان. قازاقپارات - قىتايدىڭ دروندار مەن ۆيدەوتەحنيكا وندىرەتىن «دي دجەي اي» ((DJI)) كومپانياسى رەسەي مەن ۋكرايناداعى جۇمىسىن ۋاقىتشا توقتاتتى.

مۇنداي شەشىم ازاماتتىق ماقساتتا قولدانىلاتىن وزدىگىنەن ۇشۋ قۇرالدارىنىڭ قاۋىپسىزدىگىن قامتاماسىز ەتۋ ءۇشىن قابىلدانعان. قازىر ءونىمنىڭ سايكەستىك تالاپتارى قايتا قاراستىرىلىپ جاتىر. كومپانيا رەسەيلىك جانە ۋكراينالىق بيزنەس- سەرىكتەستەر مەن تۇتىنۋشىلارعا ىسكەرلىك وپەراتسيا توقتاعان كۇننىڭ وزىندە ءوزارا بايلانىستىڭ جالعاساتىنىنا ۋادە بەرگەن. وسىنىڭ الدىندا قىتاي كاسىپورىنى دروندارىن اسكەري ماقساتتا قولدانۋعا كەلىسپەيتىنىن ەسكەرتكەن بولاتىن.
www.24.kz