كەن ورىندارىن كومپانيالاردان ەشكىم تارتىپ المايدى - ەرلان قوشانوۆ

نۇر- سۇلتان. قازاقپارات - كەن بايلىعىن حالىق بيۋدجەتكە تۇسكەن سالىق ارقىلى پايدالانادى. بۇل تۋرالى ءماجىلىس ءتوراعاسى ەرلان قوشانوۆ ءمالىم ەتتى، دەپ حابارلايدى قازاقپارات ءتىلشىسى.
None
None

بۇگىن پالاتانىڭ جالپى وتىرىسىنان كەيىن تىلشىلەر ە. قوشانوۆقا اتا زاڭعا جەردىڭ جانە تابيعي رەسۋرستاردىڭ يەسى حالىق دەگەن نورمانى ءبىرجولا بەكىتۋگە قاتىستى سۇراق قويدى. وسى ورايدا بۇل نورماعا سايكەس حالىق بۇل بايلىققا قالاي يەلىك ەتە الاتىنى سۇرالدى.

«نەگىزى، بۇل نورما ءادىل جانە دۇرىس دەپ ويلايمىن. سەبەبى جەردىڭ دە، سۋدىڭ دا، جەردىڭ ۇستىندەگى دە، استىنداعى دا بايلىقتىڭ يەسى حالىق بولۋى كەرەك. سوندىقتان پرەزيدەنتتىڭ ۇسىنىسىمەن وسى نورما ەنگىزىلدى. بۇل بايلىقتى حالىق قالاي پايدالانا الادى؟ كەن ورىندارىن قارايتىن بولساق، ولاردى يگەرەتىن ينۆەستورلاردىڭ، كومپانيالاردىڭ تولەگەن سالىعى، اشقان جۇمىس ورىندارى ارقىلى بيۋدجەتكە قاراجات تۇسەدى. ال بيۋدجەتكە تۇسكەن قاراجات ارقىلى الەۋمەتتىك ماسەلەلەر شەشىلەدى. بۇل ۇعىمدى دۇرىس ءتۇسىنۋ كەرەك. كونستيتۋتسياعا ەنگىزىلگەن وزگەرىس دەگەنىمىز كەن ورىندارىنىڭ ءبارىن كومپانيالاردان نەمەسە ينۆەستورلاردان قايتا تارتىپ الۋ دەگەندى بىلدىرمەيدى. ەگەر ولار زاڭدى بۇزباي جۇمىس ىستەسە، وندا جۇمىسىن ءارى قاراي جالعاستىرا بەرەدى. ءبىراق زاڭدى بۇزسا، وندا ونىمەن باسقا ورگاندار اينالىسادى»، - دەدى ءماجىلىس ءتوراعاسى.

بۇدان بۇرىن حابارلانعانداي، ق ر پارلامەنتى ءماجىلىسىنىڭ ءتوراعاسى ەرلان قوشانوۆ كەلەشەكتە تۇڭعىش پرەزيدەنتتىڭ مارتەبەسى زاڭناماداعى ەكس- پرەزيدەنت تۋرالى نورمالارمەن رەتتەلەتىنىن ايتتى.

اۆتور: رۋسلان عابباسوۆ

سوڭعى جاڭالىقتار