پرەزيدەنت سايلاۋىنا ءتۇسۋ ويىمدا دا جوق - ەرلان قوشانوۆ

نۇر- سۇلتان. قازاقپارات - ءماجىلىستىڭ باسپا ءسوز الاڭىندا ب ا ق وكىلدەرىنىڭ ساۋالدارىنا جاۋاپ بەرگەن ق ر پارلامەنتى ءماجىلىسىنىڭ ءتوراعاسى ەرلان قوشانوۆ «Amanat»پارتياسىنىڭ اتىنان پرەزيدەنت سايلاۋىنا ءتۇسۋ تۋرالى جوسپارى جوق ەكەنىن ايتتى، دەپ حابارلايدى قازاقپارات ءتىلشىسى.

«ونداي ماسەلەنى قاراستىرىپ وتىرعان جوقپىن. جوسپارىمدا دا، ويىمدا دا جوق»، - دەدى ءماجىلىس ءتوراعاسى.

«پرەزيدەنت پارتيادان شىققاننان كەيىن ساسي باسەكەلەستىك ارتادى. مەنىڭ ويىمشا، بۇل پارتيا جۇمىسىندا كورىنەدى. ءبىز پارلامەنتتەگى ورىندار ءۇشىن وزگەلەرمەن تەڭ جاعدايدا كۇرەسۋىمىز كەرەك. بۇل تەك ساياسي باسەكەلەستىكتى كۇشەيتەدى. «Amanat» باسقارۋشى پارتيا جانە ول ساياسي كۇرەسكە دايىن»، - دەدى ەرلان قوشانوۆ.

سونداي- اق، ول ءماجىلىس سپيكەرىنىڭ باسقارۋشى پارتيانىڭ ءتوراعاسى بولۋىندا ەشقانداي ادىلەتسىزدىك جوق دەپ ەسەپتەيتىنىن جەتكىزدى.

«مەنىڭ ويىمشا، ەشقانداي ادىلەتسىزدىك جوق. زاڭناما تۇرعىسىنان دا قاراما- قايشىلىق جوق. مەن ماجىلىستەگى بۇل ورنىم مەن پارتيا ءتوراعالىعىن زاڭدى تۇردە الىپ وتىرمىن. بۇل مەنىڭ پارتيالاستارىمنىڭ سەنىمى»، - دەدى ءماجىلىس ءتوراعاسى.

بۇعان دەيىن كونستيتۋتسيالىق كەڭەستىڭ اپپارات جەتەكشىسى باقىت نۇرمۇحانوۆ تۇڭعىش پرەزيدەنتتىڭ اتا زاڭداعى مارتەبەسى تۋرالى ايتىپ بەرگەن ەدى.

اۆتور: ەسىمجان ناقتىباي