اتىراۋدا بروندالعان اسكەري تەحنيكانى ساتپاق بولعان تۇرعىن ۇستالدى

اتىراۋ. قازاقپارات - اتىراۋدا بروندالعان اسكەري تەحنيكانى ساتپاق بولعان تۇرعىن ۇستالدى، دەپ حابارلايدى قازاقپارات.
None
None

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 35 جاستاعى ەر ادام بروندالعان بارلاۋ- شولعىنشى ماشيناسىن (بردم-2) زاڭسىز ساتۋعا تىرىسقان.

«ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى 12- ساۋىردە پوليتسياعا تۇسكەن جەدەل اقپاراتتى تەكسەرىپ، جەدەل- ىزدەستىرۋ ءىس- شاراسىن جۇرگىزدى. تەكسەرۋدىڭ ناتيجەسىندە 1986 -جىلعى ازاماتقا تيەسىلى اسكەري تەحنيكا تابىلىپ، تاركىلەندى. قازىر اتالعان دەرەككە قاتىستى ق ر قىلمىستىق كودەكسىنىڭ 386-بابىنىڭ 1-بولىگىمەن سوتقا دەيىنگى تەرگەپ- تەكسەرۋ امالدارى جۇرگىزىلىپ جاتىر»، - دەپ حابارلادى دەپارتامەنتتىڭ باسپا ءسوز قىزمەتى.

كۇدىكتىگە قاتىستى ەشقايدا كەتپەۋ تۋرالى قولحات تۇرىندەگى بۇلتارتپاۋ شاراسى تاڭدالدى. ەسكە سالا كەتەلىك، بۇعان دەيىن اتىراۋدا دەسترۋكتيۆتى ءدىني اعىم وكىلىنەن تاپانشا تاركىلەنگەنىن حابارلاعان بولاتىنبىز.

اۆتور: بەك مۇستافا


سوڭعى جاڭالىقتار