قازاقستان مەن قىتاي اراسىنداعى راديواكتيۆتى قالدىقتاردى وتكىزبەۋ تۋرالى قۇجات ماقۇلداندى

نۇر- سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «قازاقستان ۇكىمەتى مەن قىتاي ۇكىمەتى اراسىنداعى يادرولىق ماتەريالداردى، راديواكتيۆتى ماتەريالداردى، راديواكتيۆتى قالدىقتاردى جانە رادياتسيالىق- قاۋىپتى زاتتاردى زاڭسىز وتكىزۋدى بولعىزباۋداعى ءوزارا ءىس- قيمىل جونىندەگى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.
None
None

«يادرولىق، راديواكتيۆتى ماتەريالداردى، راديواكتيۆتى قالدىقتاردى، رادياتسيالىق قاۋىپتى زاتتاردى زاڭسىز وتكىزۋدىڭ الدىن الۋ ماقساتىندا كەدەندىك باقىلاۋ سالاسىنداعى تاراپتاردىڭ ىنتىماقتاستىعىن كەڭەيتۋگە جانە تەرەڭدەتۋگە مۇمكىندىك بەرەدى. اتاپ ايتقاندا، زاماناۋي تەحنولوگيالاردى ەنگىزۋ ماسەلەلەرى بويىنشا ىنتىماقتاستىق، بىرلەسكەن وقۋ- جاتتىعۋلار مەن وقىتۋ سەمينارلارىن وتكىزۋ ەسكەرىلگەن. ەكىنشىدەن، رادياتسيالىق قاۋىپسىزدىكتى قامتاماسىز ەتۋ سالاسىنداعى تاراپتاردىڭ حالىقارالىق مىندەتتەمەلەردى ورىنداۋىن قامتاماسىز ەتۋگە مۇمكىندىك بەرەدى. وسى ورايدا، تاراپتاردىڭ كەدەن شەكاراسىنداعى وتكىزۋ پۋنكتتەرىندە رادياتسيالىق باقىلاۋ جۇرگىزۋ، ازاماتتاردىڭ رادياتسيالىق قاۋىپسىزدىگىن قامتاماسىز ەتۋ قامتىلعان»، - دەدى ق ر پرەمەر- ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ.

ونىڭ ايتۋىنشا، ۇشىنشىدەن، تاراپتار مەملەكەتتەرىنىڭ زاڭناماسىنا سايكەس، اكەلۋگە تىيىم سالىنعان يادرولىق، راديواكتيۆتى ماتەريالداردى، راديواكتيۆتى قالدىقتاردى، رادياتسيالىق قاۋىپتى زاتتاردى اكەلۋگە جول بەرمەۋگە مۇمكىندىك بەرەدى. بۇل تۇرعىدا رادياتسيا اياسى بەلگىلەنگەن نورمالاردان اساتىن تاۋارلار مەن كولىك قۇرالدارىن تاسىمالداۋعا قاتىستى تاراپتار مەملەكەتتەرى زاڭناماسىنىڭ تالاپتارى اكەلۋ ەلىندە ساقتالماعان جاعدايدا، مۇنداي تاۋارلاردى ەكىنشى تاراپ مەملەكەتىنىڭ اۋماعىنا اكەتۋگە جول بەرىلمەيدى.

«تاراپتار ەكىنشى تاراپتىڭ اۋماعىنان كەلىپ تۇسكەن تاۋارلار مەن كولىك قۇرالدارىنىڭ يونداۋشى ساۋلەلەنۋ دەڭگەيىنە قاتىستى اسپاپتار كورسەتكىشتەرىنىڭ ارتۇرلىلىگى انىقتالعان جاعدايدا، مۇنداي كورسەتكىشتەر انىقتالعان وتكىزۋ پۋنكتىنىڭ اۋماعىندا بىرلەسكەن رادياتسيالىق باقىلاۋ جۇرگىزۋ مۇمكىندىگى كەلىسىمنىڭ ماڭىزدى نورماسى بولىپ وتىر. بىرلەسكەن رادياتسيالىق باقىلاۋدى جۇرگىزۋ ءتارتىبىن تاراپتار مەملەكەتتەرىنىڭ كەدەن ورگاندارىنىڭ وكىلدەرىنەن جانە وقۋ ورتالىقتارىنىڭ ماماندارىنان تۇراتىن بىرلەسكەن جۇمىس توبى ايقىندايتىن بولادى. وسى كەلىسىمدى راتيفيكاتسيالاۋ قازاقستان مەن قىتاي اراسىنداعى يادرولىق ماتەريالداردى، راديواكتيۆتى ماتەريالداردى، راديواكتيۆتى قالدىقتاردى جانە رادياتسيالىق- قاۋىپتى زاتتاردى زاڭسىز وتكىزۋدى بولدىرماۋ راسىمىنە قاتىستى ماسەلەلەردى نەعۇرلىم ناقتى جانە نەعۇرلىم ءتيىمدى قۇقىقتىق رەتتەۋگە ىقپال ەتەتىن بولادى. كەلىسىمدى ىسكە اسىرۋ رەسپۋبليكالىق بيۋدجەتتەن قارجىلىق شىعىنداردى تالاپ ەتپەيدى»، - دەدى مينيستر.

اۆتور: رۋسلان عابباسوۆ


سوڭعى جاڭالىقتار