رەسەيدىڭ بەلگورود وبلىسىندا وق- ءدارى قويماسى ورتەندى
«شامامەن 03:35-تە مەن جارىلىس سياقتى قاتتى دىبىستان وياندىم. وسى حابارلامانى جازىپ جاتقانىمدا تاعى ءۇش جارىلىس بولدى»، - دەپ جازدى وبلىس گۋبەرناتورى ۆياچەسلاۆ گلادكوۆ Telegram ارناسىندا.
كەيىنىرەك گلادكوۆ ناقتىلاعانداي، الدىن الا مالىمەت بويىنشا، بەلگورود وبلىسىنداعى ستارايا نەليدوۆكا اۋىلىنىڭ ماڭىندا وق- ءدارى قويماسى ورتكە ورانعان.
«مەن گولوۆينسكي اۋىلدىق ەلدى مەكەنىنىڭ باسشىسى دەنيس زولوتۋحينمەن جاڭا عانا حابارلاستىم. الدىن الا مالىمەت بويىنشا، ستارايا نەليدوۆكا اۋىلىنىڭ ماڭىندا وق- ءدارى قويماسى ورتەنىپ جاتىر»، - دەپ جازدى گلادكوۆ.
وبلىس گۋبەرناتورىنىڭ ايتۋىنشا، بەيبىت تۇرعىندار اراسىندا زارداپ شەككەندەر جوق. سونداي- اق، تۇرعىن ۇيلەر مەن ۇيلەردىڭ قيراۋى تىركەلمەگەن.
وسىعان دەيىن رەسەيدىڭ بريانسك قالاسىندا مۇناي بازاسى ورتەنگەنىن جازعانبىز. سول كۇنى رەسەيدىڭ تۆەر وبلىسىنداعى ع ز ي- دان دا ءورت شىعىپ، 17 ادام قازا تاپقانى جازىلدى.
اۆتور: سماعۇلوۆا ەركەجان
