سەمەيدە جاستاردى باسپانامەن قامتۋ ءۇشىن « اباي جاستارى» جوباسى ىسكە اسادى

سەمەي. قازاقپارات - سەمەي قالاسىندا جاستاردى باسپانامەن قامتاماسىز ەتۋ ءۇشىن « اباي جاستارى» جوباسى ىسكە اسىرىلادى.
None
None

بۇل جايلى قالالىق ءماسليحات دەپۋتاتى ەركەبۇلان تۇرسىن ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى اباي وبلىسىن قۇرۋ تۋرالى شەشىم قابىلداپ جەرگىلىكتى حالىقتىڭ ويىن ءدوپ باستى. ەندى كوپشىلىك ءوڭىر جاستارىن تولعاندىرعان ماسەلەلەر شەشىمىن تاپسا دەپ تىلەيدى. وكىنىشكە قاراي، جاستاردىڭ باسىم بولىگى مەملەكەتتىك قولداۋ شارالارى تۋرالى بىلە بەرمەيدى. وسىعان بايلانىستى، جاستارعا كورسەتىلەتىن قولداۋلاردىڭ بارلىق تۇرلەرىن ءبىر ورتالىققا شوعىرلاندىرۋدى جانە قالادا جاستاردىڭ بوس ۋاقىتىن ءتيىمدى ۇيىمداستىرۋعا مۇمكىندىك بەرەتىن جاستار ءۇيى اشىلعانى ءجون»، - دەيدى ەركەبۇلان تۇرسىن. ونىڭ ايتۋىنشا، جاستاردى تۇرعىن ۇيمەن قامتۋعا باعىتتالعان باعدارلامالار قاجەت.

«ءبىزدىڭ وڭىردە وتباسى ينستيتۋتى نىعايىپ كەلە جاتقانى قۋانتادى. سوندىقتان جەڭىلدەتىلگەن نەسيەلەر بويىنشا جاستاردى تۇرعىن ۇيمەن قامتاماسىز ەتۋگە باعىتتالعان « اباي جاستارى» وڭىرلىك باعدارلاماسىن جۇزەگە اسىرۋدى باستايمىز»، - دەدى قالالىق ءماسليحات دەپۋتاتى.

ەستەرىڭىزگە سالا كەتسەك، وسىعان دەيىن قازاقستاندا جاستار ءۇشىن جوعارى جالاقىسى بار بوس جۇمىس ورىندارى انىقتالعانى حابارلانعان.

سوڭعى جاڭالىقتار