كوكشەتاۋدا وقۋشى پسيحوتروپتى دارىلەردى قالانىڭ بۇرىش- بۇرىشىنا جاسىرۋمەن اينالىسقان

كوكشەتاۋ. قازاقپارات - كوكشەتاۋدا ەسىرتكى قىلمىسىنا قارسى كۇرەس بولىمشەلەرىنىڭ قىزمەتكەرلەرى جۇرگىزگەن ارنايى وپەراتسيا بارىسىندا دارىلىك زاتتاردى جاسىرىپ كەلگەن بەس ادام ۇستالدى.
None
None

ولاردان 770 تابلەتكا «ترامادول»، 15 فلاكون «پروتەكامين» جانە 30 فلاكون «تروپيكاميد» تاركىلەندى، دەپ حابارلايدى قازاقپارات ءتىلشىسى.

اقمولا وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، ۇستالعان ادامداردىڭ اراسىندا 22 جاستاعى ايەل دە بار. ول مپس كوشەسى مەن ۆوكزالى اۋماعىندا دارىلىك پرەپاراتتاردى جاسىرىپ كەلگەن. ونىڭ قالتاسىن تەكسەرۋ بارىسىندا 180 تابلەتكا «ترامادول» تابىلدى. سونىمەن بىرگە، پ د ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى 30 جاستاعى كوكشەتاۋلىقتان 280 دانا «ترامادول» جانە 15 فلاكون «پروتەكامين» تاركىلەدى. ەر ادام ءاشىموۆ كوشەسىنىڭ بويىنداعى ءۇيىنىڭ اۋلاسىندا ۇستالدى. ال، ءسادۋاقاسوۆ كوشەسىنىڭ بويىندا 27 جاستاعى ەر ادامنان پوليەتيلەن وراماعا سالىنعان سۇر- جاسىل ءتۇستى زات الىنىپ، ساراپتاماعا جىبەرىلدى. ەر ادام پروباتسيالىق قىزمەتتىڭ باقىلاۋىندا تۇر. باقىلاۋ براسلەتى وعان ەسىرتكى زاتتارىن جاسىرۋمەن اينالىسۋعا كەدەرگى بولماعان.

تۇنگى ساعات 01:00 شاماسىندا اۆتوۆوكزال ماڭىندا ەكى جاس جىگىت ۇستالدى. ونىڭ ءبىرى - كامەلەت جاسىنا تولماعان ءجاسوسپىرىم. ولاردى پوليسيا ۋچاسكەسىنە جەتكىزىپ، زاتتارىن تەكسەرۋ كەزىندە 22 جاستاعى ەر ادامنىڭ سومكەسىنەن «ترامادول» پرەپاراتىنىڭ 1 بليستەرى تاركىلەندى. ەر ادام پوليسيا ۇستاعان كەزدە بىردەن كۇدىك تۋعىزعان. سول كۇنى تۇنگى ساعات 03:07 شاماسىندا وبلىس ورتالىعىنىڭ ءۋاليحانوۆ كوشەسىنىڭ بويىندا 28 جاستاعى جەرگىلىكتى تۇرعىن باسقارعان اۆتوكولىك توقتاتىلدى. ەر ادامنىڭ استانادان ءىرى كولەمدە «ترامادول» دارىلىك پرەپاراتتارىن اكەلە جاتقاندىعى انىقتالدى. كولىك سالونىنان 30 پلاستين «ترامادول» جانە 30 فلاكون «تروپيكاميد» پرەپاراتتارى تاركىلەندى.

«بارلىق جاعداي بويىنشا قىلمىستىق كودەكستىڭ 296 بابىنىڭ 2 جانە 3 بولىگى بويىنشا «پسيحوتروپتى زاتتاردىڭ زاڭسىز اينالىمى» سوتقا دەيىندىگ تەرگەۋ امالدارى قولعا الىندى. تاركىلەنگەن زاتتار ساراپتاماعا جىبەرىلدى»، - دەدى ۆەدومستۆودان.



سوڭعى جاڭالىقتار