سايلاۋشىلاردىڭ داۋىسى ءۇشىن باسەكەلەستىك بارىنشا وتكىرلەنە تۇسەدى - قاسىم-جومارت توقايەۆ
بۇل تۋرالى AMANAT پارتياسىنىڭ كەزەكتەن تىس XXIII سەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«كونستيتۋتسياعا وزگەرتۋلەر مەن تولىقتىرۋلار ەلدىڭ ساياسي ساۋلەتىن كەشەندى قايتا فورماتتاۋعا، بيلىك تارماقتارى اراسىندا تەجەۋ مەن تەپە-تەڭدىك جۇيەسىن قالىپتاستىرۋعا باعىتتالعان»، - دەدى پرەزيدەنت.
مەملەكەت باسشىسى ەلىمىز باسقارۋدىڭ سۋپەرپرەزيدەنتتىك فورماسىنان تۇبەگەيلى باس تارتاتىندىعىن اتاپ ءوتتى.
«پارلامەنتتىڭ، ءماسليحاتتاردىڭ وكىلەتتىكتەرىن كۇشەيتەمىز. باسىمدىقتاردىڭ ءبىرى - پارتيالىق-ساياسي سالانى جاڭعىرتۋ. پارتيالىق جانە سايلاۋ زاڭناماسىن ىرىقتاندىرۋ بيلىكتىڭ بارلىق دەڭگەيلەرىندە قابىلداناتىن شەشىمدەردەگى قوعام ءرولىن نىعايتادى. سايلاۋشىلاردىڭ داۋىسى ءۇشىن باسەكەلەستىك بارىنشا وتكىرلەنە تۇسەدى. ساياسي پروتسەستىڭ دە ديناميكاسى مەن مازمۇنى وزگەرەتىندىگى ءسوزسىز»، - دەدى قاسىم-جومارت توقايەۆ.
