18:21, 26 - ءساۋىر 2022 | GMT +6
قازاقستاندا دەپوزيتتەردىڭ ماكسيمالدى ستاۆكالارى كوتەرىلدى
نۇر-سۇلتان. قازاقپارات - قازاقستان ۇلتتىق بانكىنىڭ بازالىق ستاۆكاسى ۇلعايتىلعان سوڭ، قازاقستاننىڭ دەپوزيتتەرگە كەپىلدىك بەرۋ قورى مەرزىمسىز جانە قىسقا مەرزىمدى دەپوزيتتەر بويىنشا 2022-جىلدىڭ ءساۋىرى مەن مامىرىنا ۇسىناتىن ماكسيمالدى مولشەرلەمەلەردى ارتتىردى.
قازاقستاننىڭ دەپوزيتتتەرگە كەپىلدىك بەرۋ قورى باسپا ءسوز قىزمەتىنىڭ حابارلاۋىنشا، وزگەرىستەر 2022-جىلدىڭ 26 - ساۋىرىنەن باستاپ ىسكە قوسىلادى.
«بانكتەر وسى كۇننەن باستاپ، وزدەرىنىڭ دەپوزيتتىك ونىمدەرى بويىنشا سىياقى مولشەرلەمەلەرىن قايتا قاراۋعا قۇقىلى»، - دەلىنگەن حابارلامادا.
