تالدىقورعانداعى ينفەكسيالىق اۋرۋحانا كوروناۆيرۋسپەن قوشتاستى

تالدىقورعان. قازاقپارات - تالدىقورعانداعى مودۋلدىك ينفەكسيالىق اۋرۋحانادان كوروناۆيرۋس جۇقتىرعان سوڭعى ناۋقاس ەمدەلىپ شىقتى، دەپ حابارلايدى قازاقپارات ءتىلشىسى.
None
None

وكپەسىنىڭ 50 پايىزى قابىنعان شولپان وسكەنبايەۆا جانساقتاۋ بولىمىندە 5 كۇن جاتىپ، دارىگەرلەردىڭ ارقاسىندا امان قالدى. پاندەميا كەزىندە جەدەل تۇرعىزىلعان ەمدەۋ مەكەمەسى 4 مىڭنان استام سىرقات ادام قابىلداپ، ەمدەپ شىعاردى. ولاردىڭ تورتتەن ءبىر بولىگى اسا اۋىر جاعدايدا تۇسكەن. بۇدان بىلاي اۋرۋحانا وزگە دە ينفەكسيالىق اۋرۋلاردى ەمدەپ، ءبىر بولىگىنە بالالالار ءبولىمى اشىلاتىن بولادى. سەبەبى قالاداعى وبلىستىق بالالار ينفەكسيالىق اۋرۋحاناسىنىڭ عيماراتى تارلىق ەتىپ كەلگەن.

«دارىگەرلەرگە العىسىم شەكسىز. اۋرۋحانادا 16 كۇن جاتتىم. مىقتى دارىگەرلەردىڭ ارقاسىندا ەمدەلىپ شىقتىم»، - دەدى تالدىقورعان قالاسىنىڭ تۇرعىنى شولپان وسكەنبايەۆا.

«وسى ينفەكسيالىق اۋرۋحانا ارى قاراي جۇمىسىن جالعاستىرادى. بۇل جۇمىس ءبىزدىڭ الداعى ۋاقىتتا جالپى ينفەكتسيالىق اۋرۋلارعا تولىعىمەن دايىندىق ۇستىندە»، - دەدى تالدىقورعانداعى مودۋلدىك ينفەكسيالىق اۋرۋحانانىڭ رەانيماتسيا ءبولىمىنىڭ مەڭگەرۋشىسى قۋات ابىتايەۆ.

ەستەرىڭىزگە سالا كەتسەك، 2020 -جىلى تالدىقورعان قالاسىندا 55 كۇندە سالىنعان 200 ورىندىق زاماناۋي مودۋلدى ينفەكسيالىق اۋرۋحانا قولدانىسقا بەرىلگەن بولاتىن.

اۆتور: سامال قابىشەۆا

سوڭعى جاڭالىقتار