قىتايدا جۇرت اش قالامىز با دەپ الاڭدايدى

بازارلاردىڭ بىرىندە بىرنەشە ساعاتتا كارتوپ ءبىتىپ قالدى. ال كەيبىر شاعىن دۇكەندەردە كوكونىس قىمباتتادى. قالا اكمىشىلىگى ازىق- تۇلىك جەتكىلىكتى ەكەنىنە سەندىرىپ وتىر، دەپ حابارلايدى «حابار 24».
«سۋپەرماركەتتەردە جۇرت جاپپاي ازىق- تۇلىك ساتىپ الىپ جاتقانىن كوردىم. ال بيلىك تاۋار تاپشلىعى بولمايتىنىن حابارلادى. كوبى ۋايىمداپ وتىر، ولار شانحايدا حالىق دەر كەزىندە قامداماعاندىقتان، جاعداي ۋشىقتى دەپ سانايدى. ازىرشە ءبارى قالىپتى، ءبىراق مەن دە الداعى كۇندەرى ازىق- تۇلىك ساتىپ الۋدى كوزدەپ وتىرمىن. تەز دايىندالاتىن كەسپە مەن جارتىلاي دايىن فابريكاتتاردى الامىن»، دەيدى بەيجىڭ قالاسىنىڭ تۇرعىنى لي شياوحي.
اۋداندا تۇراتىن ءۇش جارىم ميلليون ادام پ ت ر-تەستى ءۇش رەت- دۇيسەنبى- سارسەنبى مەن جۇما كۇندەرى تاپسىرۋعا ءتيىس. ول تەگىن - وتكىزىلەدى. ۇكىمەت تەك تەست تاپسىرعاننان كەيىن جۇمىسقا شىعۋعا جانە قالادا ءجۇرىس- تۇرىستى ازايتۋعا شاقىرىپ وتىر. سارسەنبى كۇنگى تەست ناتيجەلەرى بەلگىلى بولعانعا دەيىن، بيلىك بىرنەشە تۇرعىن كەشەندى جاۋىپ تاستادى.
«ناۋقاستاردىڭ ءجۇرىس- تۇرىسى مەن پ ت ر- تەستىلەۋ ناتيجەلەرىنە سايكەس، ءقاۋىپتى باعالاپ، ىندەتتى باقىلاۋ مەن الدىن الۋ بويىنشا ءتيىستى شارالار قابىلدايمىز. جاپپاي تەستىلەۋ ينفەكتسيانىڭ تارالۋىنا جول بەرمەۋ جانە حالىقتىڭ ءومىرى مەن دەنساۋلىعىن ساقتاۋ ءۇشىن قاجەت»، دەيدى بەيجىڭدەگى چاويان اۋدانى مەرىنىڭ ورىنباسارى يان بەيبەي.
اۋداندا سپورت پەن ءبىلىم بەرۋ ورتالىقتارى جابىلدى. بيلىك دۇكەندەرگە تاۋار جەتكىزۋدى كۇشەيتتى، اسىرەسە شەكتەۋ ەنگىزىلگەن اۋداندارعا باسىمدىق بەرىلگەن.