رەسەي سوعىستا ەندى جەڭە المايدى - زەلەنسكي

نۇر-سۇلتان. قازاقپارات - ۆلاديمير زەلەنسكي كەزەكتى تۇنگى جولداۋىندا وسىلاي دەپ مالىمدەدى. ول ۋكراين حالقى ءوز جەرىندە رەسەيلىك ساربازداردىڭ تالتاڭداپ جۇرگەنىنە ەش توزە المايدى دەدى.
None
None

زەلەنسكي سوعىستىڭ - ءاربىر كۇنى جەڭىستەن كەيىنگى بەيبىت ءومىردىڭ ءبىر جىلىنا تاتيتىنىن جەتكىزدى، دەپ حابارلايدى «حابار 24».

«مەيلى رەسەي بۇكىل ەركىن الەمگە قارسى تۇرىپ، ءوز ەلىن دامىتۋعا جۇمسالۋعا ءتيىس بۇكىل رەسۋرسىن حالقىنىڭ اۋزىنان جىرىپ، سوعىسقا، كورشى ەلدەگى ادامداردىڭ ءومىرىن جويۋعا شىعىنداسىن. ءبىراق تاريحتىڭ ءتالىمى باسقاشا. قانشا جەردەن مىڭجىلدىق رەيح قۇرامىن دەپ تالپىنساڭ دا، تۇبىندە ءبارىبىر قۇريسىڭ. ەسكى يمپەريانى جاڭعىرتامىن دەپ قانشا جەردەن تىراشتانساڭ دا، ءوزىڭ قۇردىمعا كەتەسىڭ. ۋكراينالىقتارعا قارسى تۇرام دەسەڭ، ءبارىبىر جەڭىلىس تاباسىڭ. قاھارمان قارسىلىعىمىزدىڭ ءۇشىنشى ايىنا اياق باستىق»، دەيدى ۋكراينا پرەزيدەنتى ۆلاديمير زەلەنسكي.


كرەمل: كەلىسىم مازمۇنىن اسكەري ءىس-قيمىلدار انىقتايدى

«ۋكراينداعى قاقتىعىس كەلىسىمگە كەلۋمەن اياقتالادى، ءبىراق بەيبىت مامىلەنىڭ مازمۇنى ءبارىبىر اسكەري جاعدايعا بايلانىستى». بۇل تۋرالى رەسەيدىڭ سىرتقى ىستەر ءمينيسترى جەرگىلىكتى مەملەكەتتىك تەلەارناعا بەرگەن سۇحباتىندا مالىمدەدى.

ول «كيەۆ كەلىسسوزدەرگە شىنايى كىرىسىپ وتىرعان جوق» دەپ ايىپتادى.

«ب ۇ ۇ قاۋىپسىزدىك كەڭەسىنىڭ بارلىق تۇراقتى بەس مۇشەسى يادرولىق سوعىسقا جول بەرمەۋ تۋرالى مالىمدەمەگە قول قويعان. سوندىقتان بۇل ءبىزدىڭ دە پرينسيپتى پوزيتسيامىز. قازىر كوڭىلدىلەر مەن تاپقىرلار ويىنى ءجۇرىپ جاتىر. ۋكراينا كەلىسسوزدەر جۇرگىزگەن بولادى، ءبىراق كيەۆتىڭ كەلىسىمگە كەلۋگە شىن نيەتى جوق. ۋكراينا دەموكراتيانىڭ الدامشى كورىنىسىن عانا كورسەتىپ قويادى. ارينە اسكەري كۇش قولدانىلاتىن كەز كەلگەن جاعداي بىتىممەن اياقتالادى، ءبىراق بۇل كەلىسىمنىڭ نەگىزگى ولشەمدەرى اسكەري ءىس-قيمىلداردىڭ دەڭگەيىمەن انىقتالادى»، دەدى ر ف سىرتقى ىستەر ءمينيسترى سەرگەي لاۆروۆ.


سوڭعى جاڭالىقتار