شىمكەنتتە جەرگىلىكتى پوليتسيا قىزمەتىنىڭ بۇرىنعى باستىعى قاماۋعا الىندى

لاۋازىمدى قىزمەتكەر تەرگەۋگە بايلانىستى ۇستالىپ، ۋاقىتشا ۇستاۋ يزولياتورىنا قامالدى، دەپ حابارلايدى قازاقپارات ءتىلشىسى.
شىمكەنت قالاسى بويىنشا سىبايلاس جەمقورلىققا قارسى قىزمەتى شىمكەنت قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ بۇرىنعى باستىعىنا قاتىستى قىزمەت بابىن پايدالانا وتىرىپ الاياقتىق جاساۋ فاكتىسى بويىنشا (قىلمىستىق كودەكستىڭ 190-بابى 3-بولىگى 2-تارماعى بويىنشا) سوتقا دەيىنگى تەرگەۋ جۇرگىزىپ جاتىر.
«بيىلعى جىلدىڭ 25-ساۋىرىندە م. بۇحاربايەۆ قىلمىستىق ءىس جۇرگىزۋ كودەكسىنىڭ 128، 131-باپتارىنىڭ تارتىبىندە ۇستالىپ، ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسۋدا. وزگە اقپارات قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە جاتپايدى»، - دەلىنگەن دەپارتامەنت تاراتقان حابارلامادا.
ايتا كەتەيىك، بۇعان دەيىن م. بۇحاربايەۆتىڭ قاراماعىنداعى پوليتسيا قىزمەتكەرى الەۋمەتتىك جەلىدە ونىڭ اقشا جيناۋعا ماجبۇرلەيتىنىن ايتىپ، بيلىكتەن كومەك سۇراعان جازبا تاراتقان ەدى.
اۆتور: اينۇر اقبايەۆا