جۇرگىزۋشى كۋالىگىنىڭ فوتوسىن ساتپاق بولعان ايەل ۇستالدى

تاراز. قازاقپارات - تاراز تۇرعىنىنا جۇرگىزۋشى كۋالىگىنىڭ فوتوسۋرەتىن 120 مىڭ تەڭگەگە ساتقان الاياق ايەل «ءتۇپنۇسقاسىن» 80 مىڭ تەڭگەگە ساتپاق بولعان، دەپ حابارلايدى قازاقپارات ءتىلشىسى.
None
None

تارازدا «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق اۆتوكولىك يەلەرىنە ارنالعان مامانداندىرىلعان بولىمىنە (مامانداندىرىلعان ح ق ك و) جۇرگىزۋشى كۋالىگىن قالپىنا كەلتىرۋ ءۇشىن 27 جاستاعى جەرگىلىكتى تۇرعىن كەلەدى، ول تەلەفوننان كۋالىگىنىڭ سۋرەتىن كورسەتىپ، بەلگىسىز جاعدايلاردا جوعالتىپ العانىن حابارلادى.

الايدا بۇل ازاماتتى ق ر ءى ءى م اقپاراتتىق رەسۋرستارى بويىنشا تەكسەرۋ كەزىندە جامبىل وبلىسى پ د ءا پ ب پروتسەسسينگ ورتالىعىنىڭ قىزمەتكەرلەرى ونىڭ ەشقاشان جۇرگىزۋشى كۋالىگىن الماعانىن انىقتادى. ساۋالناما بارىسىندا جاس جىگىت مەسسەندجەر ارقىلى بەلگىسىز ايەل تەوريالىق جانە پراكتيكالىق ەمتيحاندارسىز جۇرگىزۋشى كۋالىگىن دايىنداپ بەرۋگە ۋادە بەرگەنىن ايىتقان.

وسى قىزمەت ءۇشىن ول كارتاعا 125 مىڭ تەڭگە اۋدارعان. ءبىراق ايەل جۇرگىزۋشى كۋالىگىنىڭ سۋرەتىن عانا جىبەرىپ، «ءتۇپنۇسقاعا» تاعى 80 مىڭ تەڭگە تالاپ ەتكەن.

اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 190-بابى 2-بولىگى (اقپاراتتىق جۇيەنى پايدالانۋشىنى الداۋ نەمەسە سەنىمىن تەرىس پايدالانۋ ارقىلى جاسالعان الاياقتىق) بويىنشا سوتقا دەيىنگى تەرگەۋ امالدارى باستالدى.

سوڭعى جاڭالىقتار