نۇر-سۇلتاندا وسى اپتادا قانداي مادەني ءىس-شارالار وتەدى

نۇر-سۇلتان. قازاقپارات - وسى اپتادا ەلوردانىڭ مادەني مەكەمەلەرى ءداستۇرلى تۇردە قالا تۇرعىندارى مەن قوناقتارى ءۇشىن ءتۇرلى باعدارلاما دايىنداپ وتىر، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

ونداعى مالىمەتتەرگە سايكەس، مەملەكەتتىك اكادەميالىق فيلارمونيا 27- ءساۋىر كۇنى 61№ مەكتەپ-ليتسەيدە «قورقىت» ەتنو-ءانسامبلىنىڭ «عاسىرلار ءۇنى» اتتى قايىرىمدىلىق كونسەرتىن وتكىزەدى.

م. گوركي اتىنداعى مەملەكەتتىك اكادەميالىق ورىس دراما تەاترى وسى اپتادا ءتورت قويىلىم كورسەتەدى.

26- ساۋىردە ن. گوگولدىڭ «جەنيتبا» كومەدياسى، كۇندىز گ. گوريننىڭ «كين IV» تراگيكوميالىق استارلى اڭگىمەسى قويىلادى.

ال 30- ءساۋىر كۇنى ساعات 11:00 دە م. بارتەنيەۆتىڭ «سنەگۋرۋشكا» ەرتەگىسىن، سول كۇنى كەشكە ر. باەردىڭ «سمەشاننىە چۋۆستۆا» مەلودراماسىن كورۋگە بولادى.

«جاستار» تەاترىنىڭ رەپەرتۋارىندا وسى اپتادا 4 قويىلىم بار. 26- ساۋىردە ب. بەكجانوۆتىڭ «ءومىر» دراماسى، 27- ساۋىردە ت. ءمينۋلليننىڭ «ديليافرۋزدىڭ ءتورت كۇيى» كومەدياسى كورسەتىلەدى.

28- ءساۋىر كۇنى ساعات 11:00 جانە 14:00 دە بۇلدىرشىندەرگە «ۇر توقپاق» اتتى قازاق حالىق ەرتەگىسى كورسەتىلەدى.

ال 29-30- ساۋىردە ق. ءجۇنىسوۆتىڭ «پرانك-ماحاببات» كومەدياسى قويىلادى.

ەلوردالىق قۋىرشاق تەاترىندا 29- ءساۋىر كۇنى ساعات 16:00 دە جانە 30- ءساۋىر كۇنى ساعات 12:00 دە، 14:00 دە جانە 16:00 دە ە. جۋاسبەكتىڭ «عاجايىپ ارمان» ەرتەگىسىن تاماشالاۋعا بولادى»، - دەلىنگەن حابارلامادا.

«ناز» مەملەكەتتىك ءبي تەاترى قوناقتاردى 29- ءساۋىر كۇنى ساعات 17:00 دە حالىقارالىق ءبي كۇنىنە ارنالعان «نۇرعيسا» حورەوگرافيالىق سپەكتاكلىنە شاقىرادى. سول كۇنى (ساعات 11:00 دە) ارتىستەر قازاقستان حالقىنىڭ بىرلىگى كۇنىنە ارنالعان «ىنتىماعى جاراسقان - قازاقستان» كونسەرتىندە ونەر كورسەتەدى.

NOMAD City Hall ساحناسىندا 30- ءساۋىر كۇنى ساعات 19:00 دە «التىن شارشى» سپەكتاكلى كورسەتىلەدى.

مۋزىكالىق جاس كورەرمەن تەاترى 28- ساۋىردە «اباي-توعجان» مۋزىكالىق دراماسىمەن اشىلادى. تۇستەن كەيىن كورەرمەندەرگە «دۇنيە-عاسىر» مەتافيزيكالىق دراماسى جول تارتادى، ال 1- مامىر كۇنى «ءشامشى» ميۋزيكلى كورسەتىلەدى.

30- ءساۋىر مەن 1- مامىر كۇندەرى استانالىق سيرك مانەجىندە كوكتەمگى سيرك باعدارلاماسى وتەدى.

«25- ساۋىردە قالانىڭ بىرىككەن مۋزەيلەر ديرەكتسياسى مەن «الجير» مەموريالدى-مۇراجاي كەشەنى الەۋمەتتىك جەلىلەردە «ساياسي زوبالاڭ تولقىندارى» اتتى ونلاين ءدارىس وتكىزەدى.

27- ساۋىردە سول پلاتفورمالاردا «جيزن، پرەرۆاننايا لوجيۋ» كورمەسى جاريالانادى.

ساكەن سەيفۋللين مۇراجايى 25 جانە 28- ساۋىردە الەۋمەتتىك جەلىلەردەگى اككاۋنتتارىندا ءداستۇرلى بەينەەكسكۋرسيا وتكىزەدى، ال 26- ساۋىردە «ءۇش بايتەرەك» ايدارىنان بەينەروليك جاريالايدى.

29- ساۋىردە مۇندا «باقىت جولىندا» اتتى ونلاين-فوتوكورمە وتەدى. سونداي-اق بىرىككەن مۋزەيلەر ديرەكتسياسىنىڭ بەتتەرىندە «قازىبەك بيگە - 355 جىل» ءدارىسىن تىڭداپ، «قازاقستاننىڭ ۇلى قولباسشىلارى» ونلاين-ساباعىن كورۋگە بولادى»، - دەپ جازىلعان حابارلامادا.

ورتالىقتاندىرىلعان كىتاپحانالار جۇيەسى وسى اپتادا كوپتەگەن ءىس- شارالار دايىندادى.

29- ءساۋىر مەن 3- مامىر ارالىعىندا 5№ بالالار كىتاپحاناسىندا «ونەر باقشاسىنىڭ بۇلبۇلى» اتتى تاقىرىپتىق سورە جۇمىس ىستەيدى. 25- ساۋىردە 2№ بالالار كىتاپحاناسى «سىپايىلىق ەلىنە ساياحات» تاقىرىبىندا ءدارىس وتكىزەدى، ال كۇندىز 2№ بۇقارالىق كىتاپحانادا «قازاقستان ەلتاڭباسىنىڭ اۆتورى - شوت-امان ءۋاليحان» اتتى كىتاپ كورمەسىن ۇيىمداستىرادى.

27- ساۋىردە 5№ بۇقارالىق كىتاپحانادا «فلورا» جابىق وسىمدىكتەر گۇل وسىرۋشىلەر كلۋبى جينالادى، 28- ساۋىردە 9№ بۇقارالىق كىتاپحانا «پاراسات جولى» باعدارلاماسى اياسىندا «ءبىز بىرگەمىز جانە تاتۋمىز» اتتى شولۋ-سۇحباتقا شاقىرادى. كۇندىز 5№ بالالار كىتاپحاناسىندا «ءبىز - ءبىر حالىقپىز، ءبىر ەلمىز» اتتى ادەبي ساعات، ال 8№ بالالار كىتاپحاناسىندا دوڭگەلەك ۇستەل وتەدى.

30- ءساۋىر كۇنى 5№ بۇقارالىق كىتاپحانادا «پۋت ك ۋسپەحۋ» ىسكەرلىك ادەبيەت اۋەسقويلارى كلۋبىنىڭ قاتىسۋشىلارىنىڭ كەزدەسۋى وتەدى.

«جاستار» سارايى 28- ساۋىردە ەلوردالىق فيلارمونيا زالىندا كونسەرتتىك باعدارلاما ۇيىمداستىرادى.