20:55, 25 - ءساۋىر 2022 | GMT +5
ۇ ق ك الەۋمەتتىك جەلىدەگى بەينەجازبا تۋرالى مالىمدەدى
نۇر- سۇلتان. قازاقپارات - الەۋمەتتىك جەلىلەردە تارالىپ جاتقان قارۋلى ادامداردىڭ اتىسى تۋرالى بەينەكادرلار بيىلعى قاڭتاردىڭ 5 ىنەن 6 سىنا قاراعان ءتۇنى تاراز قالاسىندا ورىن العان.
بۇل تۋرالى ۇ ق ك باسپا ءسوز قىزمەتى مالىمدەدى، دەپ حابارلايدى قازاقپارات.
ۆەدومستۆونىڭ جازۋىنا قاراعاندا، وندا سانى 350 گە دەيىنگى توپ اتىس قارۋىن قولدانىپ، ۇ ق ك جامبىل وبلىسى بويىنشا دەپارتامەنتىن باسىپ العىسى كەلگەن.
«قورعانىس بارىسىندا اتىس جاراقاتىنان دەپارتامەنتتىڭ تەرروريزمگە قارسى كۇرەس ورتالىعىنىڭ ءبولىم باستىعى پودپولكوۆنيك داستان ءادىلباي قازا تاپتى. وسى فاكتىلەر بويىنشا سوتقا دەيىنگى تەرگەپ-تەكسەرۋ جۇرگىزىلۋدە»، - دەلىنگەن حابارلامادا.
