كوروناۆيرۋستان ءولىم بويىنشا جاڭا رەكورد – قىتاي

نۇر-سۇلتان. قازاقپارات - شانحايدا ءبىر تاۋلىكتە 51 ادام كوروناۆيرۋستان قايتىس بولدى.
None
None

ولاردىڭ ورتا جاسى – 81، اراسىنداعى ەڭ ۇلكەنى جۇزگە تولعان ەدى. تورتەۋى كوۆيدتەن ەكپە العان ەكەن. بارلىعىندا جۇرەك جەتكىلىكسىزدىگى، ديابەت، ونكولوگيا، ينسۋلت سالدارى سەكىلدى قوسالقى ارۋلۋارى بولىپ، اقىرىندا بۇل ولىمىنە سەبەپ بولعان. جالپى 18-ساۋىردەن بەرى شاھاردا بۇل دەرتتەن 138 ادام قايتىس بولدى.

ەسكە سالىپ كەتسەك، شانحايدا ىندەت ناۋرىز ايىندا دەندەپ كەتتى، ال 5-ساۋىردە قالادا تولىق لوكداۋن جاريالاندى. سوڭعى كەزدە ءبىرقاتار تۇرعىن كەشەندەرىندە سىرتقا شىعۋعا رۇقسات ەتىلىپ، ءبىرقاتار ءىرى كاسىپورىندار جۇمىسىن قايتا باستادى. ۇزاق مەرزىمدى وقشاۋعا قاراماستان، كۇن سايىن كوپ ناۋقاس انىقتالىپ ءجۇر. سوڭعى ءبىر تاۋلىكتە 19 جارىم مىڭ ناۋقاس تىركەلدى. ونىڭ 17 مىڭىندا اۋرۋ بەلگىلەرى بايقالعان جوق.

جاو داندان، شانحاي دەنساۋلىق ساقتاۋ ىستەرى بويىنشا كوميتەت جەتەكشىسىنىڭ ورىنباسارى:

- 26-ساۋىردە قالاداعى بۇكىل اۋدان تۇرعىندارىنىڭ اراسىندا تولىق سكرينينگ وتكىزە باستايمىز. بۇل كۇندەرى جاڭبىر جاۋادى دەگەن بولجام بار، ياعني دارىگەرلەردىڭ جۇمىسىن قيىنداتا تۇسەدى. سكرينينگتى قاۋىپسىز ءارى جۇيەلى تۇردە وتكىزۋ ءۇشىن دەزينفەكتسيا جانە وزگە دە جۇمىستى كۇشەيتەمىز. ۇيدە جاسالعان انتيگەنت تەستى نەمەسە بىرنەشە ادامنىڭ جاعىندىسى جينالعان ءبىر پروبيركا وڭ ناتيجە كورسەتسە، مەديكتەر بۇل تۇرعىنداردىڭ پاتەرلەرىنە بارىپ تەكسەرەدى. ولارعا وزگە تۇرعىندار سەكىلدى پ ت ر- تەست تاپسىرۋ ءۇشىن اۋلاعا شىعۋعا بولمايدى.

www.24.kz

سوڭعى جاڭالىقتار