ارزان كولىك الام دەپ الاياقتارعا الدانعان – قاراعاندى

نۇر-سۇلتان. قازاقپارات - بەلگىسىز الاياقتار قاراعاندى قالاسىنىڭ تۇرعىنى اتىنان حابارلامالار جەلىسىندە جالعان كولىكتى ساتىپ، قازاقستاندىقتاردى الداپ كەلگەن.
None
None

ماكسيم ناۋمكين ەسىمدى ازاماتتىڭ جەكە دەرەكتەرىن قولعا ءتۇسىرىپ العان ولار كۋالىك كوشىرمەسىن كەپىلدەمە رەتىندە جىبەرىپ، كەپىل پۇلىن الىپ وتىرعان. پوليتسيا تەك وسى ءبىر ادامنىڭ اتىنان سالىنعان جالعان حابارلاماعا 17 ادام الدانعان دەپ وتىر. 2 جىلدان بەرى ناۋمكيننىڭ ءوزى دە پىسىقايلاردان زارداپ شەككەنىن ايتادى. سەبەبى حابارلاماعا الدانعاندار كەپىل رەتىندە العان قۇجات كوشىرمەسىنىڭ يەسى، ياعني ماكسيمدى تاۋىپ الىپ تالاي مارتە قوقان- لوقى كورسەتكەن. ءبىراق ول ءوزىنىڭ كىناسىز ەكەنىن دالەلدەي الماي كەلگەن. تەك الدانعاندار پوليتسياعا شاعىمدانىپ، قىلمىستىق ءىس قوزعالعان كەزدەن باستاپ ول وسى ىسكە كۋاگەر رەتىندە شاقىرتىلعان.

ماكسيم ناۋمكين، قالا تۇرعىنى:

- ءبىزدىڭ جەكە دەرەكتەرىمىز الاياقتاردىڭ قولىنا قالاي تۇسكەنىن بىلمەيمىن. مەن 2020- جىلى ءوزىمنىڭ گازەل كولىگىمدى ساتقام. سول كەزدە ماعان شىمكەنت قالاسىنىڭ تۇرعىنىمىن دەپ حابارلاسىپ، ماشيناڭدى كورگىم كەلەدى، الدىن - الا تولەمىن بەرىپ قويايىن ءبىراق، سەن ءوز قۇجاتتارىڭدى، بانك كارتاسىنىڭ كوشىرمەسىن جىبەر دەدى دە، ارتىنشا ءىزىم- عايىم جوق بولىپ كەتكەن. ارام ويىم جوق، سول كەزدە بارلىعىن جىبەرگەن ەدىم. ارتىنشا الدانعاندار مەنى تاۋىپ الاتىن بولدى، بۇرىننان الاياق بولعان اككى بىرەۋلەر بولسا كەرەك.

ءمادي باعدات، وبلىستىق پ د كيبەر قىلمىسپەن كۇرەس ءبولىمىنىڭ باسشىسى:

- ازامات ناۋمكين بويىنشا اقشا شەتەلدە شەشىلىپ جاتقاندىقتان، قازىر ءبىرقاتار قيىندىقتار تۋىنداۋدا. كەلەسىدە ول كىسىگە قوڭىراۋ شالعان ساتتە بىردەن ول كىسىلەرگە ءتۇسىندىرىپ، مەن دە ارىزدانعام، مەن دە قۇربانىمىن دەپ، پوليتسياعا حابارلاسىڭىز دەپ ءبىزدىڭ نومىرىمىزگە، ءبىز ۇسىنعان حابارلاسسا بولادى. ولاردان بىزگە كومەك بولادى دەپ ويلايمىن. سەبەبى قاندايدا ءبىر اقپارات بىزگە ماڭىزدى. قىلمىسكەرلەردى انىقتاۋ ماقساتىندا.

www.24.kz

سوڭعى جاڭالىقتار