باقىتتى وتباسى باعدارلاماسىنا ءوتىنىم قابىلداۋ باستالادى

بۇل تۋرالى «وتباسى بانك» ا ق باسقارما ءتوراعاسى ءلاززات يبراگيموۆا ءمالىم ەتتى، دەپ حابارلايدى قازاقپارات ءتىلشىسى.
«بيىل مامىردا «باقىتتى وتباسى» باعدارلاماسىن جالعاستىرامىز. اتالعان تۇرعىن ۇيمەن قامتۋ باعدارلاماسى وسىمەن ءتورتىنشى جىل ىسكە اسىپ كەلەدى. ول ءۇشىن بيۋدجەتتەن 51 ميلليارد تەڭگە كەلىپ ءتۇستى. جوسپار بويىنشا 5 مىڭ وتباسىعا 2 پايىزدىق مولشەردە تۇرعىن ءۇي بەرىلەدى. سونىمەن قاتار كەلەسى ايدان باستاپ «اسكەري باسپانا» باعدارلاماسىن ىسكە قوسامىز»، - دەدى ءلاززات يبراگيموۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، بيىلدىققا 22 مىڭ ازامات تۇرعىن ءۇي نەسيەسىنە يە بولدى.
«سونداي- اق، جىل باستالعالى 240 مىڭ قازاقستاندىق ءبىزدىڭ بانكتەن دەپوزيت اشتى. ول دەپوزيتتەرگە 4 ايدىڭ ىشىندە 511 ميلليارد تەڭگە اۋدارىلدى»، - دەيدى ول.
بۇعان دەيىن اتالعان بانك باسشىسى كەيبىر قازاقستاندىقتاردىڭ جىلجىمايتىن مۇلكى بولا تۇرا، تۇرعىن ءۇي كەزەگىنە قويىلعانىن ايتتى . ودان بولەك، جالعا بەرىلەتىن تۇرعىن ۇيگە سۋبسيديا الۋدىڭ رەتى ءتۇسىندىرىلدى.
اۆتور: ءالي يبرايەۆ