كونستيتۋتسيالىق كەڭەس قازاقستان پرەزيدەنتىنىڭ ءوتىنىشىن ءىس جۇرگىزۋگە قابىلدادى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆتىڭ ءوتىنىشى ءىس جۇرگىزۋگە قابىلداندى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
None
None

«كونستيتۋتسيالىق كەڭەس قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن قازاقستان رەسپۋبليكاسى كونستيتۋتسياسىنىڭ 91-بابىنىڭ 2-تارماعىندا بەلگىلەنگەن تالاپتارعا سايكەستىگى تۇرعىسىنان قاراۋ تۋرالى ءوتىنىشىن كونستيتۋتسيالىق ءىس جۇرگىزۋگە قابىلدادى»، - دەلىنگەن حابارلامادا.

«قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» كونستيتۋتسيالىق زاڭىنا سايكەس، اتالعان ءوتىنىشتى كونستيتۋتسيالىق كەڭەستىڭ وتىرىسىندا قاراۋ ءۇشىن قاجەتتى ماتەريالداردى دايىنداۋ جۇمىسى جۇرگىزىلۋدە. كونستيتۋتسيالىق كەڭەستىڭ شەشىمى بۇقارالىق اقپارات قۇرالدارىندا جاريالانادى.

ەسكە سالا كەتەيىك، ق ر كونستيتۋتسياسىنىڭ 91- بابى، 2- تارماعىندا «كونستيتۋتسيادا بەلگىلەنگەن مەملەكەتتىڭ تاۋەلسىزدىگى، رەسپۋبليكانىڭ بىرتۇتاستىعى مەن اۋماقتىق تۇتاستىعى، ونى باسقارۋ نىسانى، سونداي- اق تاۋەلسىز قازاقستاننىڭ نەگىزىن سالۋشى، قازاقستان رەسپۋبليكاسىنىڭ تۇڭعىش پرەزيدەنتى - ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينتسيپتەرى جانە قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مارتەبەسى وزگەرمەيدى»، - دەپ كورسەتىلگەن.

سوڭعى جاڭالىقتار