سەرىك كۇدەبايەۆ ق ر ىشكى ىستەر ورگاندارىنان كەتتى

نۇر- سۇلتان. قازاقپارات - بۇگىن ب ا ق- تا گەنەرال- مايور سەرىك كۇدەبايەۆتىڭ ق ر ىشكى ىستەر ورگاندارىنان كەتكەنى تۋرالى اقپارات تارادى.
None
None

ءى ءى م باسپا ءسوز قىزمەتى بۇل اقپاراتتى راستادى، دەپ حابارلايدى قازاقپارات ءتىلشىسى.

سەرىك كۇدەبايەۆ الماتى وبلىستىق پوليتسيا دەپارتامەنتىنىڭ باستىعى قىزمەتىن اتقارىپ كەلدى. الايدا، 26- قاڭتاردا كريمينالدىق جاعدايدى ەسكەرە كەلە كادر الەۋەتىن نىعايتۋ، قىلمىسپەن كۇرەستى كۇشەيتۋ، ازاماتتاردىڭ قاۋىپسىزدىگىن ءتيىمدى قامتاماسىز ەتۋ ءۇشىن پرەزيدەنت اكىمشىلىگىمەن كەلىسە وتىرىپ، ىشكى ىستەر ءمينيسترىنىڭ بۇيرىعىمەن زاپپاروۆ ارىستانعالي راسىلحان ۇلى الماتى وبلىستىق پوليتسيا دەپارتامەنتىنىڭ باستىعى بولىپ تاعايىندالدى.

سەرىك كۇدەبايەۆ الماتى وبلىستىق پوليتسياسىن 2020 -جىلدىڭ 29- قاڭتارىنان باستاپ باسقاردى. ول 1965- جىلى تۋعان، ىشكى ىستەر ورگاندارىندا 1990 -جىلدان باستاپ قىزمەت ەتەدى. باسشىلىق لاۋازىمداردا جۇمىس تاجىريبەسى مول. 2009-2013 -جىلدارى الماتى وبلىسىنىڭ پوليتسيا دەپارتامەنتى باستىعىنىڭ ءبىرىنشى ورىنباسارى، ودان كەيىن باستىعى بولىپ جۇمىس ىستەدى. 2013 -جىلدىڭ قازان ايىنان باستاپ الماتى قالاسىنىڭ پوليتسيا دەپارتامەنتىن باسقاردى.

اۆتور: اقبوپە ءابدراسۋل

سوڭعى جاڭالىقتار