فرانسياداعى پرەزيدەنتتىك سايلاۋدا ماكرون جەڭىسكە جەتتى
ساياسي دودانىڭ قورىتىندىسى بويىنشا ول سايلاۋشىلاردىڭ 58,55 پروتسەنت داۋىسىنا يە بولدى. وسىلايشا ماكرون - پرەزيدەنتتىك لاۋازىمدا ەكىنشى مەرزىمگە سايلانعان فرانسيانىڭ ءۇشىنشى پرەزيدەنتى. ال سايلاۋدا ماكروننىڭ باستى قارسىلاسى اسىرە ۇلتشىل «ۇلتتىق بىرلەستىك» پارتياسىنىڭ جەتەكشىسى مارين ليەپەن 41,45 پروتسەنت داۋىس جيناعان. لە پەن جەڭىلگەنىن مويىنداپ، ساياسي كۇرەسىن پارلامەنت سايلاۋىندا جالعاستىراتىنىن ءمالىم ەتتى.
ايتا كەتەيىك، فرانسيادا مەملەكەت باسشىسى جالپىعا بىردەي تىكەلەي داۋىس بەرۋ ارقىلى سايلانادى. ەلدە 49 ميلليونعا جۋىق ازاماتتىڭ داۋىس بەرۋ قۇقىعى بار. وسى جولى ونىڭ 63 پروتسەنتى عانا سايلاۋعا قاتىسقان.
ەممانۋەل ماكرون، فرانسيا پرەزيدەنتى:
- سىزدەر گۋمانيستىك جوبا، ەلىمىزدىڭ تاۋەلسىزدىگىنە باعىتتالعان بيىك مۇرات، ەۋروپانىڭ يگىلىگى ءۇشىن داۋىس بەردىڭىزدەر. رەسپۋبليكالىق قۇندىلىقتار، الەۋمەتتىك- ەكولوگيالىق وڭدى جوبىنا تاڭدادىڭىزدار. بۇل ءىس جانكەنشتى ادال ەڭبەك پەن جاسامپازدىققا نەگىزدەلگەن. ءبىز مادەني جانە كاسىپكەرلىك جاعىنان كۇشەيە تۇسەمىز. رەسپۋبليكا جاساسىن! فرانسيا جاساسىن!
