ق ر پرەزيدەنتىنىڭ تەلەراديوكەشەنى ۇجىمى رەسپۋبليكالىق ەكولوگيالىق اكسياعا قاتىستى

اتاپ ايتقاندا، تەلەراديوكەشەن قىزمەتكەرلەرى، ونىڭ ىشىندە QAZAQ TV مەن «قازاقپارات» اگەنتتىگىنىڭ ۇجىمى كوشەت ەگۋ اكسياسىنا ۇلەس قوستى. وسى ورايدا ەلورداداعى Hilton قوناقۇيى مەن كونگرەسس ورتالىق ماڭىندا 200 گە جۋىق ەمەن جانە ۇيەڭكى اعاشى وتىرعىزىلدى.
«استانا- كوگالداندىرۋ» كاسىپورنى مالىمەتىنشە، بۇل اعاشتار قالا ماڭىنداعى ءتالىمباقتاردان جەتكىزىلدى. بۇگىن سەنبىلىكتە وتىرعىزىلعان اعاشتاردىڭ جاسى شامامەن 18-19 جىل. ءتالىمباقتاعى وسى اعاشتار ارنايى تەحنيكا ارقىلى تامىرىمەن الىنىپ، شاھارداعى ساياباقتارعا جەتكىزىلەدى. ەمەن جانە ۇيەڭكى اعاشتارى ەرەكشە كۇتىمدى قاجەت ەتەدى. سوندىقتان كوگالداندىرۋ ماماندارى جىل بويى كوشەتتەردىڭ ءوسىپ- ءونۋىن ارنايى تالاپتار بويىنشا قاداعالايدى. ق ر پرەزيدەنتىنىڭ ءىس باسقارۋشىسى ايبەك دادەبايەۆتىڭ ايتۋىنشا، وتىرعىزىلعان اللەيا سەرۋەندەۋ ءۇشىن تاماشا ورىن بولماق.
«بۇگىن ورتالىق اپپارات قىزمەتكەرلەرى پرەزيدەنت تەلەراديوكەشەنىنىڭ ۇجىمىمەن بىرىگىپ، ەلوردانىڭ اقمەشىت كوشەسىنە اللەيا وتىرعىزدى. اكىمدىكتىڭ بىزگە ءبولىپ بەرگەن ۋچاسكەدە ەندى 61 ەمەن اعاشى وسەدى. اللەيا سول جاعالاۋدىڭ قوزعالىسى كوپ بولىگىندە ورنالاسقان جانە ونىڭ بويىمەن كۇندەلىكتى جۇزدەگەن ادام سەرۋەندەيدى»، - دەدى ا. دادەبايەۆ.
بۇدان بۇرىن حابارلانعانداي، بۇگىن مەملەكەت باسشىسى قاسىم- جومارت توقايەۆ «بىرگە - تازا قازاقستان» رەسپۋبليكالىق ەكولوگيالىق اكتسياسىنىڭ اياسىندا بوتانيكالىق باقتا كوشەت وتىرعىزىپ، قالالىق سەنبىلىككە قاتىستى.
ءىس- شارادا پرەزيدەنت اكىمشىلىگىنىڭ باسشىسى مۇرات نۇرتىلەۋ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، نۇر- سۇلتان قالاسىنىڭ اكىمى التاي كولگىنوۆ، ەكو- ۆولونتەرلەر، سونداي- اق پرەزيدەنتتىك جاستار كادرلىق رەزەرۆىنىڭ مۇشەلەرى بولدى.