زاڭسىز نومىرمەن كولىك جۇرگىزۋ اۋىر قىلمىسقا اپارادى - ءماجىلىس دەپۋتاتى
«ءبىز، ەڭ الدىمەن حالىقتىڭ تالاپ-تىلەگىن ورىنداپ، وسىنداي بۇزاقىلىقپەن كۇرەسۋىمىز كەرەك. بۇگىنگى تاڭدا مۇنداي زاڭبۇزۋشىلىقتارعا اكىمشىلىك جانە قىلمىستىق كودەكستەردە ءبىرقاتار جازا قاراستىرىلعان. الايدا، جاۋاپكەرشىلىكتىڭ جۇمساقتىعى حالىق اراسىندا الاڭداۋشىلىق تۋعىزىپ وتىر. وسىعان وراي، كەيبىر نورمالار قايتا قارالىپ، جاۋاپكەرشىلىك كۇشەيتىلىپ جاتىر. ويتكەنى، زاڭسىز نومىرمەن نەمەسە مۇلدەم ءنومىرسىز كولىك جۇرگىزۋ اۋىر قىلمىس جاساۋعا اپارۋى مۇمكىن»، - دەدى دەپۋتات.
شىمكەنتتە وتكەن كوشپەلى وتىرىستا قالاداعى ىشكى ىستەر سالاسىن جەتىلدىرۋ ماسەلەسى تالقىلانعان بولاتىن.
وعان ىشكى ىستەر ءمينيسترى مارات احمەتجانوۆ، ءماجىلىس دەپۋتاتى بەرىك بەكجانوۆ، قالا اكىمى مۇرات ايتەنوۆ پەن قۇقىق قورعاۋ ورگاندارىنىڭ باسشىلارى، ءماسليحات دەپۋتاتتارى قاتىستى.
مەملەكەت باسشىسىنىڭ جولداۋىندا زاڭ ۇستەمدەگىن ورناتۋعا باسا نازار اۋدارىلعانى بەلگىلى. وسى ورايدا، دەپۋتاتتار قۇقىق قورعاۋ ورگاندارىنىڭ قىزمەتىن جەتىلدىرۋگە جانە جول-كولىك وقيعالارىن ازايتۋ ءۇشىن زاڭدى قاتاڭداتۋعا ەرەكشە ءمان بەرىپ وتىر.
اتاپ ايتقاندا، «اكىمشىلىك قۇقىق بۇزۋشىلىقتار تۋرالى» كودەكس نەگىزىندە زاڭسىز مەملەكەتتىك تىركەۋ ءنومىرىن قولدانعاندارعا 5-400 ايلىق ەسەپتىك كورسەتكىش (15315 - 1225200 تەڭگە) مولشەرىندە ايىپپۇل سالىنادى. ال، قىلمىستىق كودەكس بويىنشا كولىك ءنومىرىن قولدان جاساۋ نەمەسە جالعان ءنومىر پايدالانۋعا 2 مىڭ ا ە ك (6126000 تەڭگە) دەيىن ايىپپۇل سالۋ نەمەسە 2 جىلعا دەيىنگى مەرزىمگە باس بوستاندىعىن شەكتەۋ قاراستىرىلعان.
باس پروكۋراتۋرانىڭ مالىمەتىنە سايكەس، بيىلعى جىلدىڭ I توقسانىندا وسىنداي 73124 قۇقىق بۇزۋشىلىق تىركەلىپ، 72628 فاكت بويىنشا اكىمشىلىك ايىپپۇل سالىنىپ، 16 ادام جۇرگىزۋشى كۋالىگىنەن ايرىلعان.
ەسكە سالساق، وسى ايدىڭ باسىندا ەلوردا جولدارىندا مەملەكەتتىك تىركەۋ ءنومىرىنسىز جۇرگەن كولىك جۇرگىزۋشىسىنەن سۋىق قارۋ تابىلعان بولاتىن.
