الداعى ەكى ايدا باسپانا قىمباتتامايدى - قۇرىلىسشىلار قاۋىمداستىعى

نۇر- سۇلتان. قازاقپارات - تۇرعىن ءۇي سالۋمەن اينالىساتىن كومپانيالاردىڭ كەيبىرى پاتەر باعاسىن ارزانداتا باستادى.
None
None

بۇل تۋرالى قۇرىلىسشىلار قاۋىمداستىعىنىڭ باسشىسى ۆيكتور ميكريۋكوۆ ءمالىم ەتتى، دەپ حابارلايدى قازاقپارات ءتىلشىسى.

«جالپى تۇرعىن ءۇي نارىعىندا احۋال وڭالىپ كەلەدى. دوللار باعامىنىڭ تومەن دە، جوعارى دا قۇبىلماي، ايتارلىقتاي تۇراقتى دەڭگەيدە ساقتالۋى نارىققا جاعىمدى اسەر ەتىپ جاتىر. سوندىقتان ءبىز ءدال قازىر باسپانا باعاسى وسپەيدى دەپ ايتا الامىز»، - دەدى ۆيكتور ميكريۋكوۆ قازاقپارات تىلشىسىنە.

ونىڭ سوزىنە قاراعاندا، قۇرىلىس ماتەريالدارىنىڭ باعاسىندا دا جاعىمدى ديناميكا بايقالا باستاعان.

«كوپتەگەن قۇرلىس ماتەريالدارىنىڭ باعاسى تومەندەي باستادى. بۇل ارينە قۋانتارلىق جاڭالىق. كوپتەگەن قۇرىلىس كومپانيالارى باسپانا باعاسىن تۇسىرە باستادى. ويتكەنى كەيبىر بولجامدار ناقتى تاۋەكەلدەن ارتىق ەسەپتەلىپ، باعا قاجەتتى دەڭگەيدەن تىم ارتىق كوتەرىلىپ كەتكەن بولاتىن»، - دەيدى قاۋىمداستىق باسشىسى.

ءسوز سوڭىندا ۆيكتور ميكريۋكوۆ الداعى ەكى ايدا باسپانا باعاسى قىمباتتامايدى دەگەن بولجامىن ايتتى. وسى ايدىڭ باسىندا عانا بىرىككەن ريەلتورلار قاۋىمداستىعى پرەزيدەنتىنىڭ كەڭەسشىسى نينا لۋكيانەنكو باسپانا نارىعىندا باعانى كۇرت تۇسىرەتىندەي سەبەپ كورىپ تۇرماعانىن ايتقان ەدى.

سوڭعى جاڭالىقتار