تۇركيا گرەكيامەن داۋلاردى بەيبىت جولمەن شەشۋگە نيەتتى

بۇل تۋرالى جەرورتا تەڭىزىندەگى «ماۆي ۆاتان-2022» اسكەري جاتتىعۋلارى قاتىسۋشىلارىنا بەينەبايلانىس ارقىلى سويلەگەن سوزىندە تۇركيانىڭ ۇلتتىق قورعانىس ءمينيسترى حۋلۋسي اكار مالىمدەدى.
«تۇركيانىڭ بەيبىتشىلىك جولىندا ءارقاشان ءبىر قادام الدا بولاتىنىنا ەشكىم كۇمان كەلتىرمەسىن. ءبىزدىڭ ماقساتىمىز - ەگەي تەڭىزىنىڭ بۇكىل بايلىعىن ءادىل تۇردە ءبولىسۋ. ەگەي - دوستىق تەڭىزى. تۇركيا وسىعان ۇمتىلۋدا. ءبىز كورشىمىز گرەكياعا شىن جۇرەكتەن دوستىق قولىن سوزامىز»، - دەدى مينيستر.
ونىڭ ايتۋىنشا، انكارا افينىمەن قارىم- قاتىناسىندا حالىقارالىق قۇقىقتى قۇرمەتتەۋ مەن ءارقاشان تاتۋ كورشىلىك ءپرينتسيپىنىڭ ۇستەمدىگىن جاقتايدى. تۇرىك اسكەري ۆەدومستۆوسىنىڭ باسشىسى ەكى ەل اراسىنداعى ديالوگتى دامىتۋ ماڭىزدىلىعىنا توقتالدى. بۇل رەتتە ول گرەك تاراپىن وسى باعىتتا بەلسەندى قادامدار جاساۋعا ۇندەدى.