دەپۋتات قايرات قۇدايبەرگەن قاڭتار وقيعاسى بويىنشا ۇستالدى - باس پروكۋراتۋرا

باس پروكۋراتۋرانىڭ باسپا ءسوز حاتشىسى دارحان دۇيسەمبايدىڭ ايتۋىنشا، قايرات قۇدايبەرگەن 21 - ساۋىردە ۋاقىتشا ۇستاۋ يزولياتورىنا قاماۋعا الىنعان.
«ونى كەشە، 21- ءساۋىر كۇنى ۇستادى. مۇنى الماتى قالاسىنىڭ پروكۋراتۋراسى ب ا ق وكىلدەرىنە راستادى»، - دەدى ول.
ەسكە سالساق، قاڭتار وقيعاسى كەزىندە الماتى قالاسىنان تاراعان ۆيدەولاردا كاسىپكەردىڭ «ديكي ارمان» لاقاپ اتىمەن بەلگىلى ارمان جۇمالديەۆتىڭ جانىندا جۇرگەنى كورىنگەن بولاتىن. 7- قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆتى ۇستاعان ەدى.
ق ر باس پروكۋراتۋراسى ارنايى پروكۋرورلار قىزمەتىنىڭ باستىعى ريزابەك وجاروۆتىڭ ايتۋىنشا، «ديكي ارمان» توبى قاڭتار وقيعاسى كەزىندە 24 بەيبىت تۇرعىندى ۇرلاپ، كۇشتەپ ۇستاعان. كريمينالدىق اۆتوريتەت «ديكي ارماندى» قاماۋعا الۋ مەرزىمى ەكى ايعا ۇزارتىلعان بولاتىن.
اۆتور: ەسىمجان ناقتىباي