اتىراۋ مۇناي وڭدەۋ زاۋىتىنا قاتىستى سوتقا دەيىنگى تەرگەۋ باستالدى

باسەكەلەستىكتى قورعاۋ جانە دامىتۋ اگەنتتىگى باسپا ءسوز قىزمەتىنىڭ مالىمەتىنشە، وڭىرلىك دەپارتامەنت ماماندارى اتىراۋ وبلىستىق پروكۋراتۋراسىنىڭ باسشىلىعىمەن بىرگە «اتىراۋ مۇناي وڭدەۋ زاۋىتى» ج ش س قىزمەتىنە تەكسەرۋ جۇرگىزگەن.
«تەكسەرۋ كەزىندە 2020-2021-جىلدارى شيكى مۇنايدى قايتا وڭدەۋ بويىنشا جۇمىستاردى ورىنداۋعا مونوپوليالىق جوعارى باعا بەلگىلەۋ تۇرىندە ا م ءو ز ۇستەم جاعدايىن تەرىس پايدالانۋ دەرەگىن انىقتادى. وسىعان بايلانىستى تەكسەرۋ قورىتىندىسى ءىس جۇرگىزۋ شەشىمىن قابىلداۋ ءۇشىن اتىراۋ وبلىستىق پروكۋراتۋراعا جىبەرىلدى. وڭىرلىك پروكۋراتۋرا ق ر قىلمىستىق كودەكسىنىڭ 221-بابىمەن (مونوپوليستىك قىزمەت) «ا م ءو ز» ج ش س قاتىستى سوتقا دەيىنگى تەرگەۋدى باستاپ، 2020-2021-جىلدارى شيكى مۇنايدى قايتا وڭدەۋ بويىنشا قىزمەتتەرگە مونوپوليالىق جوعارى باعانى بەلگىلەۋ دەرەگىمەن اتىراۋ وبلىسى بويىنشا ەكونوميكالىق تەرگەۋ دەپارتامەنتىنە جولداندى»، - دەپ حابارلادى وڭىرلىك ۆەدومستۆودان.
ەسكە سالا كەتەلىك، بۇعان دەيىن اتىراۋ مۇناي وڭدەۋ زاۋىتىندا زياندى زاتتار شىعارىندىلارىنىڭ 277 كوزى بارىن حابارلاعان بولاتىنبىز.