قازاقستاندىق تەننيسشى تارتىستى ماتچتا الەمنىڭ ءۇشىنشى راكەتكاسىنا جول بەردى

قازاقستاندىق تەننيسشى ەكىنشى اينالىمدا الەمنىڭ ءۇشىنشى راكەتكاسى، يسپانيالىق پاۋلا بادوسامەن كۇش سىناستى.
بۇعان دەيىن قارسىلاستار ءۇش رەت كەزدەسىپ، سونىڭ ەكەۋىندە يسپانيالىق سپورتشى جەڭگەن ەدى. بۇل جولى پ. بادوسا ءبىرىنشى پارتيادا باسىمدىلىق تانىتتى - 6:2. ەكىنشىسىندە ە. رىباكينا ەسە قايىردى - 6:4. ءۇشىنشى، شەشۋشى پارتيادا تاي-برەيكتە پ. بادوسا ساتتىرەك وينادى - 7:6 (7:4).
ەكى جارىم ساعاتتان استام ۋاقىتقا سوزىلعان تارتىستى باسەكەدە ە. رىباكينا 5 ەيس جاساپ، 6 برەيك-پوينتتىڭ بەسەۋىن ءوز ەسەبىنە جازدى.
قارسىلاسى 7 ەيس، 6 برەيكپەن (14 برەيك- پوينت) كوزگە ءتۇستى.
جۇلدە قورى 703580 ا ق ش دوللارىنا باعالانعان جارىستىڭ شيرەك فينالىندا پ. بادوسا الەمنىڭ 10-راكەتكاسى، تۋنيستىك ونس جابەرمەن شەبەرلىك بايقاسادى.
ول رەسەيلىك داريا كاساتكينانى ۇتتى - 6:3, 6:3.