20:58, 21 - ءساۋىر 2022 | GMT +5
گولوۆكين - «كانەلو» ايقاسى وكىنىشپەن بىتەتىنى ايتىلدى
نۇر-سۇلتان. قازاقپارات - الەمنىڭ بۇرىنعى چەمپيونى امەريكالىق سەرحيو مورا قازاقستاندىق گەننادي گولوۆكين جانە مەكسيكالىق ساۋل «كانەلو» الۆارەستىڭ ءۇشىنشى ايقاسىنا قاتىستى ويىن ايتتى، دەپ حابارلايدى Vesti.kz.

«ەگەر جەكپە-جەك نەيترال ايماقتا وتسە، GGG- دە جەڭۋگە مۇمكىندىك بولادى. الدىڭعى ەكى كەزدەسۋ وتكەن لاس-ۆەگاستا قازاقستاندىق ەشتەڭە ىستەي المايدى.
ءيا، «كانەلو» گولوۆكيندى جەڭىپ كەتۋى مۇمكىن. الۆارەس بۇل جەكپە-جەككە وزىنە سەنىمدى، بار قاھارىن جيىپ، اشۋلى شىعادى. ونىڭ كوزدەگەنى نوكاۋت. ال گولوۆكين دەريەۆيانچەنكو مەن مۋراتامەن ايقاستا السىزدەۋ كورىندى.
جانكۇيەر رەتىندە تريلوگيانى تاماشالاعىم كەلەدى. بۇل تاريحي وقيعا عانا ەمەس، تەكەتىرەسكە نۇكتە قويىلادى. ويتكەنى بىرەۋ نوكاتۋقا تۇسەدى.
بۇل قاندى سپورت، ناتيجەسى البەتتە اۋىر تيەدى، ءبىراق، كەيدە وسىندايعا كۋا بولۋعا ءماجبۇرمىز»، - دەپ بەرەدى مورانىڭ ءسوزىن Boxing247.com.