ەكى پەدوفيلگە باقىلاۋ قۇرىلعىسى تاعىلدى

شىمكەنت قالاسى جانە تۇركىستان وبلىسى بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنشە، پروباتسيالىق باقىلاۋعا الىنعان ازاماتتىڭ ءبىرى - 16 جاستاعى قىزدى الىپ قاشقانى ءۇشىن سوتتالعان. قازىر جاس كەلىنشەگى بوسانىپ، ۇلدى بولىپ وتىر.
«مەن كامەلەت جاسىنا تولماعان قىزبەن وتاۋ قۇرۋ زاڭعا قايشى ەكەنىن ەندى ءتۇسىندىم. ەكەۋمىزدىڭ كەلىسىمىمىز بويىنشا ۇيلەنگەن جاعدايدا زاڭ الدىندا جاۋاپ بەرمەيتىن بولارمىن دەپ ويلاعانمىن. سوت جۇكتەگەن جازامدى بۇزباي وتەپ شىعۋعا تىرىسامىن. كىشكەنتاي ۇلىما ۇلگىلى اكە بولۋدى ارماندايمىن. كەلەسى جىلى ايەلىم 18 گە تولادى. سول كەزدە ەكەۋمىز نەكەمىزدى قيدىرامىز. ءوز ايەلىڭمەن بىرگە تۇرىپ، پەدوفيل اتانۋ قيىن ەكەن»، - دەيدى جازاسىن وتەۋشى.
قازىر شىمكەنت قالاسى مەن تۇركىستان وبلىسى بويىنشا سوتتالىپ، پروباتسيالىق باقىلاۋدا تۇرعان ازاماتتارعا تاعۋ ءۇشىن 91 ەلەكتروندى باقىلاۋ قۇرىلعىسى اكەلىندى.
ماماندار ولاردىڭ ءبىرىنشى كەزەكتە پەدوفيلدەرگە تاعىلاتىنىن ايتادى. سونىمەن قاتار، بۇل تىزىمگە پروباتسيالىق باقىلاۋدا تۇرعانىنا قاراماستان، كوپ ەسكەرتۋ العاندار مەن تارتىپكە باعىنباعاندار ەنگىزىلەدى.
قىلمىس جاساعانى ءۇشىن ىزدەۋدە جۇرگەندەر ۇستالعان جاعدايدا، ولارعا دا وسى بىلەزىكتەر تاعىلماق.
ماسەلەن، شىمكەنتكە پيلوتتىق ۇلگىدەگى قۇرالدىڭ 49 ءتۇرى اكەلىنىپ، 4 اۋدانعا بولىنگەن.
ال، تۇركىستان وبلىسىنا قاراستى 16 پروباتسيا بولىمشەسىنە 42 ەلەكتروندى بىلەزىك بەرىلگەن.
بۇل ەلەكتروندى بىلەزىكتەر سوتتالعانداردى باقىلاۋعا سەپتىگىن تيگىزەدى.
بۇعان دەيىن نۇر-سۇلتاندا دا 20 عا جۋىق ەسەپتەگى سوتتالعانعا ەلەكتروندى بىلەزىك تاعىلعان بولاتىن.