ۇكىمەت باسشىسى ازيا ەلدەرىن ترانسكاسپي كولىك باعدارىن بەلسەندى پايدالانۋعا شاقىردى

نۇر- سۇلتان. قازاقپارات – ق ر پرەمەر- ءمينيسترى ءاليحان سمايىلوۆ ازيا ەلدەرىن ترانسكاسپي حالىقارالىق كولىك باعدارىن بەلسەندى پايدالانۋعا شاقىردى.
None
None

بۇل تۋرالى ول بواو قالاسىندا (ق ح ر) بواو ازيا فورۋمىنىڭ پلەنارلىق سەسسياسىنىڭ اشىلۋ راسىمىندەي ايتتى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

پرەمەر- مينيستر قازىرگى ۋاقىتتا ۇكىمەت قازاقستاندىقتاردىڭ ءال- اۋقاتىن ارتتىرۋ مەن ساپالى دامۋدى قامتاماسىز ەتۋگە باعىتتالعان ءبىرقاتار ەكونوميكالىق رەفورمانى جۇزەگە اسىرىپ جاتقانىن اتاپ ءوتتى.

«بيىل ناۋرىز ايىندا مەملەكەت باسشىسى قاسىم- جومارت توقايەۆ جاڭا ساياسي رەفورمالاردىڭ اۋقىمدى باعدارلاماسىن ۇسىندى. ماڭىزدى ساياسي رەفورمالاردى جانە داعدارىسقا قارسى كەشەندى شارالاردى ىسكە اسىرۋ ءۇشىن جالپى ۇلتتىق جوسپار بەكىتىلدى. بۇل شارالار مەملەكەتتىڭ الەۋمەتتىك مىندەتتەمەلەرىن ىسكە اسىرۋعا جانە ورنىقتى دامۋعا قولايلى جاعداي جاساۋعا مۇمكىندىك بەردى»، - دەدى ءا. سمايىلوۆ.

ق ر پرەمەر- ءمينيسترى فورۋم تاقىرىبى پاندەميادان كەيىنگى دامۋعا الەمدىك قوعامداستىقتىڭ الاڭداۋشىلىعىن تولىق كورسەتەتىنىن اتاپ ءوتتى. ءوز كەزەگىندە، قازاقستان پاندەميادان تۋىنداعان داعدارىستى تەز ارادا ەڭسەرۋگە جانە تۇراقتى حالىقارالىق ەكونوميكالىق بايلانىستاردى قالپىنا كەلتىرۋگە مۇددەلى.

وسىعان بايلانىستى ق ر ۇكىمەتىنىڭ باسشىسى د د س ۇ- نىڭ COVID-19-عا قارسى جاھاندىق ۆاكتسينالاۋدى قامتاماسىز ەتۋ جونىندەگى ستراتەگياسىن ۇستانىپ، ۆاكسينالار مەن ەمدەۋ قۇرالدارىن ءادىل ءبولۋ جونىندەگى ەرەجەلەر جيناعىن ازىرلەۋدى ۇسىندى. سونىمەن قاتار ءاليحان سمايىلوۆ «ءبىر بەلدەۋ، ءبىر جول» باستاماسى اياسىندا ىقپالداستىقتىڭ جوعارى سەرپىنىن قولداۋدىڭ ماڭىزدىلىعىن اتاپ ءوتتى.

«قازاقستان «جىبەك جولىنىڭ ەكونوميكالىق بەلدەۋىنىڭ» نەگىزگى بۋىنى رەتىندە حالىقارالىق ترانزيتتىك تاسىمالداردى ۇزدىكسىز قامتاماسىز ەتۋدى كۇشەيتەدى. وسىعان بايلانىستى شەتەلدىك ارىپتەستەرگە تاسىمالداۋ قاۋىپسىزدىگىنىڭ جوعارى تالاپتارىنا جاۋاپ بەرەتىن جانە جۇكتەردى ترانسكونتينەنتالدىق تاسىمالداۋعا دەگەن سۇرانىستى تولىق كولەمدە قامتاماسىز ەتۋگە قابىلەتتى ترانسكاسپيي حالىقارالىق كولىك باعدارىن بەلسەندى تۇردە پايدالانۋدى ۇسىنامىز»، - دەدى ق ر ۇكىمەتىنىڭ باسشىسى.

شاراعا ونلاين- فورماتتا يزرايل، فيليپپين، موڭعوليا، نەپال مەملەكەتتەرىنىڭ باسشىلارى، سونداي- اق لاوس پرەمەر- ءمينيسترى مەن ءبىرقاتار حالىقارالىق ۇيىم باسشىلارى قاتىستى. بيىلعى فورۋم «COVID-19 پاندەمياسى جانە الەم: حالىقارالىق دامۋعا بىرلەسىپ ىقپال ەتۋ جانە ورتاق بولاشاق قۇرۋ» تاقىرىبىمەن ءوتىپ جاتىر.

ق ر پرەمەر- ءمينيسترى ءاليحان سمايىلوۆ ءىس- شارا قاتىسۋشىلارىنا بەينەبايلانىس ارقىلى ءسوز سويلەدى.

سوڭعى جاڭالىقتار