قازاقستاندا ادامعا ءتيىسۋ ارەكەتىن قىلمىس دەپ تانۋى مۇمكىن

نۇر- سۇلتان. قازاقپارات - ەلىمىزدە ادامعا ءتيىسۋ، ەركىنەن تىس ماجبۇرلەۋ ارەكەتى قىلمىستىق ءىس دەپ تانىلۋى مۇمكىن.

بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى الەكسەي ميليۋك ءمالىم ەتتى، دەپ حابارلايدى قازاقپارات ءتىلشىسى.

«ءتيىسۋ، ماجبۇرلەۋ ارەكەتىنە قاتىسى ماسەلە ءالى دە اشىق. بۇگىندە حالىقارالىق زاڭنامالار زەردەلەنۋ ۇستىندە. ونىڭ ءبىزدىڭ زاڭدارعا قانشالىقتى سايكەس كەلەتىندىگى قارالىپ جاتىر. ياعني ءتيىسۋ، ماجبۇرلەۋ ارەكەتىنە قىلمىستىق جاۋاپكەرشىلىك ەنگىزۋ كەرەك پە؟ نەگىزىندە اتالعان جايت زاڭدا قاراستىرىلعان، تەك ءسال باسقاشا راسىمدەلگەن. جالپى قىلمىستىق كودەكسكە ەنگىزۋ جاعدايدى قانشالىقتى اقتايدى؟ وسى توڭىرەكتە تالقىلاۋلار ءجۇرىپ جاتىر. وعان سالا ساراپشىلارى، پسيحولوگتار مەن زاڭ سالاسى ماماندارى تارتىلۋدا»، - دەدى الەكسەي ميليۋك ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي- اق، ءى ءى م وكىلى زورلاۋعا قاتىستى جازانىڭ قاتاڭداتىلعانىن ايتتى.

«زورلىق جاساۋشىنىڭ جازاسى اۋىر. قازىر وسى قىلمىس بويىنشا تاتۋلاستىرۋ دەگەن تۇسىنىك جوق. اسىرەسە بالالارعا قاتىستى جاعداي بولسا. بالالارعا زورلىق كورسەتكەندەر قاتاڭ جازالانىپ، ايىبى كەشىرىلمەيدى جانە قىلمىسكەر مەرزىمىنەن بۇرىن بوساتىلمايدى. ال ءجابىر كورۋشى جاق پوليسيا قىزمەتكەرلەرىنىڭ قامقورىندا بولادى. كەرەك جاعدايدا ءومىر بويى»، - دەيدى ول.

بۇعان دەيىن حابارلاعانىمىزداي، قازاقستاندا تۇرمىستىق زورلىق- زومبىلىق قۇرباندارىنىڭ %46 ى ەرلەر. ودان بولەك، جىل باسىنان بەرى 2700 دەن استام ايەل داعدارىس ورتالىعىنا جىبەرىلگەنى ايتىلدى.