پەتروپاۆل مەن رەسەيدىڭ كورشى وبلىستارى اراسىندا ەلەكتر پويىزدار جۇرەتىن بولدى

سولتۇستىك قازاقستان وبلىسىنىڭ اكىمى قۇمار اقساقالوۆ الەۋمەتتىك جەلىدەگى جەكە پاراقشاسىندا وڭتۇستىك ورال تەمىر جولىنىڭ باسشىسى يگور ريازانوۆپەن جۇزدەسكەنىن جازدى. كەزدەسۋدە تەمىرجول سالاسىن دامىتۋ جانە ەكى ەل اراسىنداعى جولاۋشىلار تاسىمالى ماسەلەلەرى تالقىعا تۇسكەن. «پەتروپاۆل- ەسىلكول» جانە «پەتروپاۆل- پەتۋحوۆو» ەلەكتر پويىزدارىنىڭ قوزعالىسىن جانداندىرۋعا كەلىستىك.
ەستەرىڭىزگە سالا كەتەيىن، ولاردىڭ قوزعالىسى 2 جىل بۇرىن پاندەمياعا بايلانىستى توقتاپ قالعان ەدى. كولىكتىڭ بۇل ءتۇرى شەكارالاس وبلىستاردىڭ تۇرعىندارى اراسىندا سۇرانىسقا يە. سونداي- اق كەزدەسۋدە «ماسلودەل» سەرىكتەستىگى سالىپ جاتقان مايدى ەكستراكتسيالاۋ زاۋىتى ءۇشىن قاجەتتى كىرمە تەمىر جولدى سالۋ ماسەلەسى تالقىلاندى. ول وبلىس ءۇشىن وتە ماڭىزدى ءوندىرىس وشاعى، 15 ميلليارد تەڭگە ينۆەستيتسيا تارتىلىپ جاتىر. 200-دەن استام جاڭا جۇمىس ورنى اشىلادى. بۇل جوبانى تەز ارادا بەكىتۋگە كەلىستىك»، - دەدى قۇمار اقساقالوۆ.
قازىرگى ۋاقىتتا پەتروپاۆلدان پويىز ارقىلى رەسەيدىڭ ماسكەۋ، روستوۆ- نا- دونۋ، سانكت- پەتەربۋرگ، سامارا، ءنوۆوسىبىر، ساراتوۆ سياقتى ءبىرقاتار قالالارىنا بارۋعا بولادى.