پرەزيدەنت كۇزەتى قالاي جۇمىس ىستەيدى؟ دەرەكتى فيلم جارىققا شىقتى

فيلم مەملەكەتتىك كۇزەت قىزمەتىنىڭ 30 جىلدىعىنا ارنالعان، - دەپ حابارلايدى Tengrinews.kz ءتىلشىسى.
«مەملەكەتتىك كۇزەت قىزمەتى - ءبىز وتە از بىلەتىن ۇيىم. مەملەكەت باسشىسىن كىم قورعايدى؟ ولار قالاي جاتتىعادى، توتەنشە جاعدايلارعا قالاي ارەكەت ەتەدى؟ بۇل دەرەكتى فيلمدە قۇپيانىڭ پەردەسىن اشىپ، كەيبىر ساتتەردى ءوزىمىز دە سىناپ كورەمىز»، - دەپ باستايدى دەرەكتى فيلمدى «قوعامدىق كەلىسىم» ديرەكتورىنىڭ ورىنباسارى كونستانتين حارلاموۆ.
فيلم سيپاتتاماسىندا مەملەكەتتىك كۇزەت قىزمەتى ۇلتتىق قاۋىپسىزدىك قۇرىلىمدارىنا تيەسىلى ەكەنى جانە ەل پرەزيدەنتىنە باعىنىپ، ەسەپ بەرەتىنى ايتىلعان.
«مەملەكەت باسشىسىنىڭ كۇزەتى ۆيدەو جانە سۋرەتتەردە سيرەك كەزدەسەدى. قىزمەتكەرلەردىڭ بەت-بەينەسى، ءتىپتى جەكە دەرەكتەرى قۇپيا اقپارات سانالادى. ءبىراق ولار ۇنەمى پرەزيدەنتتىڭ قاسىندا. ولاردىڭ مىندەتى - مەملەكەتتىڭ ءبىرىنشى بەت-بەينەسىن قورعاپ، كەز كەلگەن وقىس وقيعانىڭ الدىن الۋ. ولاردىڭ جۇمىسىنىڭ سىرى ءارقاشان جاسىرىن قالادى. فيلمدە تاۋلىك بويى مەملەكەت باسشىسىنىڭ قاۋىپسىزدىگىن قامتاماسىز ەتەتىندەرگە قويىلاتىن جوعارى تالاپتار ەرەكشە اتالعان»، - دەلىنگەن پرەزيدەنت تەلەراديوكەشەنى حابارلاماسىندا.
ايتا كەتەيىك، بۇگىن، 21-ساۋىردە مەملەكەتتىك كۇزەت قىزمەتىنىڭ قىزمەتكەرلەرى كاسىبي مەرەكەلەرىن اتاپ ءوتىپ جاتىر. ول ەل پرەزيدەنتىنىڭ 2014 -جىلعى 4-مامىرداعى جارلىعى بويىنشا قۇرىلعان.