قازاقستاندا ۆاكسينامەن قامتىلعان تۇرعىنداردىڭ سانى جاريالاندى
نۇر-سۇلتان. قازاقپارات - بيىلعى 20-ساۋىرگە دەيىن قازاقستاندا Pfizer ۆاكسيناسىنىڭ ءبىرىنشى دوزاسىن 1027356 ادام السا، ەكىنشى دوزاسىن 881570 ادام سالدىردى، دەپ حابارلايدى قازاقپارات ءتىلشىسى.
ۆەدومستۆوارالىق كوميسسيانىڭ مالىمەتىنشە، Pfizer ەكپەسىنىڭ ءبىرىنشى كومپونەنتىمەن قامتىلعانداردىڭ 810165 ى جاسوسپىرىمدەر، 37495 ى جۇكتى ايەلدەر، 134185 ى بالا ەمىزەتىن انالار. ەكىنشى كومپانەنتىن العان جاسوسپىرىمدەردىڭ سانى - 731405، جۇكتى ايەلدەر – 32005، ال بالا ەمىزەتىن ايەلدەر - 115481.
«جالپى، 20-ساۋىردەگى ەسەپ بويىنشا، قازاقستاندا كوروناۆيرۋس ينفەكسياسىنا قارسى ۆاكسينانىڭ ءبىرىنشى كومپونەنتىن 9475840 ادام الدى، ەكىنشى كومپونەنتىن 9224495 ازامات سالدىردى»، - دەپ مالىمدەدى كوميسسيانىڭ باسپا ءسوز قىزمەتى.
