ەۋروپالىق كەڭەس باسشىسى كيەۆتە

بريۋسسەل. قازاقپارات - ەۋروپالىق كەڭەس باسشىسى شارل ميشەل ۋكراينا استاناسىندا، ول ەل پرەزيدەنتى ۆلاديمير زەلەنسكيمەن كەزدەسۋدى جوسپارلاپ وتىر، دەپ حابارلايدى قازاقپارات مەنشىكتى ءتىلشىسى.

«كيەۆتەمىن. ەركىن جانە دەموكراتيالىق ەۋروپانىڭ ءدال جۇرەگىندەمىن»، - دەپ جازدى ش. ميشەل تۆيتتەر جەلىسىندە.

ەۋرووداقتىڭ جوعارى شەندى تۇلعاسى ءوزىنىڭ جازباسىنا قوسا فوتوسۋرەت جۇكتەگەن. ونى تەمىرجول ستانتسياسىنىڭ پلاتفورماسىندا ۋكراينانىڭ ەۋروپالىق ىستەر جانە ەۋرواتلانتيكالىق ينتەگراتسيا جونىندەگى ۆيتسە-پرەمەر-ءمينيسترى ولگا ستەفانيشينا قارسى الىپ تۇر.

ەۋروپالىق كەڭەستىڭ باسشىسى ۆ. زەلەنسكيمەن كەزدەسەدى دەپ جوسپارلانعان.

بۇعان دەيىن ۋكرايناعا ەۋروپالىق پارلامەنتتىڭ ءتوراعاسى روبەرتا مەتسولا، ەۋروپالىق كوميسسيانىڭ ءتوراعاسى ۋرسۋلا فون دەر ليايەن جانە ە و- نىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەل كەلگەن بولاتىن.

ايتا كەتەيىك، الماتىدا ۋكراينا ازاماتى بوسقىن مارتەبەسىن بەرۋدى سۇرادى.