20:35, 20 - ءساۋىر 2022 | GMT +5
الماتىدا ۋكراينالىق ايەل بوسقىن مارتەبەسىن بەرۋدى سۇرادى
نۇر-سۇلتان. قازاقپارات - كولىكتەگى پوليتسيا دەپارتامەنتىنىڭ كوشى-قون قىزمەتىنىڭ وكىلدەرى الماتى قالاسىنىڭ پوليتسيا دەپارتامەنتىمەن بىرلەسىپ، ۋكراينا ازاماتىنا الماتى قالاسىنىڭ اۋەجايى ارقىلى ق ر مەملەكەتتىك شەكاراسىنان وتۋگە كومەك كورسەتتى، دەپ حابارلايدى قازاقپارات كولىكتەگى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«ۋكراينا ازاماتى ءوتىنىش بىلدىرگەن كەزدە الماتى اۋەجايىنىڭ پوليتسيا ءبولىمىنىڭ قىزمەتكەرلەرى شەكارانى كەسىپ ءوتۋ كەزىندە تۋىنداعان ماسەلەنى شەشۋدە، ءتىپتى فوتوگراف قىزمەتىن ۇسىنۋعا دەيىن دەرەۋ كومەك كورسەتكەن»، - دەپ حابارلادى ۆەدومستۆونىڭ باسپا ءسوز قىزمەتى.
قازىرگى ۋاقىتتا ۋكراينالىق ايەل قازاقستان رەسپۋبليكاسىنىڭ «بوسقىندار تۋرالى» زاڭىنا سايكەس الماتى قالاسىنىڭ جەرگىلىكتى اتقارۋشى ورگانىنا بوسقىن مارتەبەسىن بەرۋ تۋرالى وتىنىشپەن جۇگىنگەن.
