ۇ ب ت- نىڭ تەگىن سىناق تەستىلەۋى ىسكە قوسىلدى

نۇر- سۇلتان. قازاقپارات - ۇلتتىق تەستىلەۋ ورتالىعىنىڭ سايتى ارقىلى سىناق تەستىلەۋدەن ونلاين ءارى تەگىن وتۋگە بولادى، دەپ حابارلايدى قازاقپارات ءبىلىم جانە عىلىم مينيسترلىگىنە سىلتەمە جاساپ.

تەستىلەنۋشى سىناققا قاتىسۋ ءۇشىن prob-ent.testcenter.kz سايتىندا ج س ن- ءىن ەنگىزىپ، بەيىندىك پاندەر كومبيناتسياسىن تاڭداي الادى. تالاپكەر سىناق تەستىلەۋىنەن ءوتۋ كەزىندە تەست تاپسىرمالارىمەن تانىسىپ، تاڭدالعان پاندەر بويىنشا ءوز ءبىلىم دەڭگەيىن تەكسەرۋگە مۇمكىندىك الىپ وتىر. سونداي- اق، ونلاين سىناق ۇلتتىق بىلىكتىلىك تەستىلەۋىن تاپسىراتىن پەداگوگتەر ءۇشىن دە قولجەتىمدى. مۇعالىمدەر prob-nqt.testcenter.kz سىلتەمەسى ارقىلى سىناقتان وتە الادى.

ايتا كەتەيىك، بيىل تۇلەكتەرگە ۇ ب ت- نى ەكى رەت تاپسىرۋعا رۇقسات بەرىلەدى. سونداي- اق، بيىلعى ۇ ب ت- دا ەرەكشە قاجەتتىلىگى بار تەست تاپسىرۋشىلارعا 40 مينۋت قوسىلادى. بۇدان بىلاي ۇ ب ت تاپسىرۋشىلارعا قورىتىندى بالمەن بىرگە تاقىرىپتىق تالداۋ قورىتىندىسى بەرىلەدى. ءبىلىم جانە عىلىم ءمينيسترى اسحات ايماعامبەتوۆ كەلەسى وقۋ جىلى ءۇشىن جوعارى وقۋ ورىندارىنا 73 مىڭ، كوللەدجدەرگە 31 مىڭ گرانت بولىنەتىنىن ايتقان بولاتىن. ال، ناۋرىزداعى ۇ ب ت- دا تالاپكەرلەردىڭ %70 دان استامى شەكتى بالل جينادى.