اتىراۋ تۇرعىندارى جايىق وزەنىنەن مايشاباقتى ءسۇزىپ الىپ جاتىر

اتىراۋ. قازاقپارات - اتىراۋ تۇرعىندارى جايىق وزەنىنەن مايشاباقتى ءسۇزىپ الىپ جاتىر، دەپ حابارلايدى قازاقپارات.
None
None

جەرگىلىكتى يحتيولوگ، بيولوگيا عىلىمدارىنىڭ كانديداتى نيكولاي پوپوۆتىڭ ايتۋىنشا، جايىق وزەنىندە مايشاباقتىڭ ءجۇزىپ ءجۇرۋى - سيرەك ءارى تاڭقالارلىق جايت ەمەس.

«ويتكەنى، مايشاباق وزەن ارناسىمەن كاسپي تەڭىزىنە دەيىن ءجۇزىپ بارادى. بۇرىن جايىق وزەنىنىڭ ماحامبەت جانە يندەر اۋداندارى تۇسىندا كەزدەسكەن ەدى. ال، 2008 جانە 2012 -جىلدارى وزەننىڭ اتىراۋ قالاسىنداعى بولىگىندە بايقالدى. مايشاباقتىڭ وزەنگە شىعۋىنىڭ ءبىر- ەكى نۇسقاسىن قاراستىرۋ قاجەت. بىرىنشىدەن، مۇنى تەڭىزدە مايشاباقتىڭ كوپ مولشەردە بولۋىمەن بايلانىستىرعان ءجون شىعار. سول سەبەپتەن، وزەنگە ءجۇزىپ شىعۋى مۇمكىن. ەكىنشىدەن، تەڭىزدىڭ لاستانۋ نۇسقاسىن جوققا شىعارۋعا بولمايدى. مۇنى دا ەسكەرگەن ءجون. ءبىراق، مۇنىڭ ءبارى - بولجام. ناقتى قورىتىندىنى ارنايى زەرتتەۋ جۇرگىزىپ، ناتيجەسى بەلگىلى بولعاننان كەيىن ايتۋعا كەرەك»، - دەيدى نيكولاي پوپوۆ.

سوڭعى جاڭالىقتار