كاسپي قۇبىر جەلىسى كونسورتسيۋمىنداعى جوندەۋ جۇمىستارى اياقتالۋعا جاقىن

نۇر- سۇلتان. قازاقپارات - قاسىم- جومارت توقايەۆقا ۇلتتىق كومپانيانىڭ قازىرگى جۇمىستارى مەن قارجىلىق جاعدايى جانە الداعى كەزەڭدەگى دامۋ پەرسپەكتيۆالارى تۋرالى ەسەپ بەرىلدى.
None
None

كەزدەسۋ بارىسىندا كاسپي قۇبىر جەلىسى كونسورتسيۋمىنا قاتىستى احۋالعا ەرەكشە نازار اۋدارىلدى. پرەزيدەنتكە ايلاقتىڭ جىلجىمالى قۇرىلعىلار جۇيەسىن جوندەۋ جۇمىستارىنىڭ جۋىردا اياقتالاتىنى جونىندە باياندالدى. بۇل قازاقستان مۇنايىن كاسپي قۇبىر جەلىسى كونسورتسيۋمى ارقىلى تاسىمالداۋدىڭ بۇرىنعى كولەمىن قالپىنا كەلتىرۋگە مۇمكىندىك بەرەدى. سونىمەن قاتار قاسىم- جومارت توقايەۆقا اتىراۋ وبلىسىنداعى پوليپروپيلەن شىعاراتىن كەشەن قۇرىلىسىنىڭ بارىسى تۋرالى مالىمەت بەرىلدى.

ماعزۇم مىرزاعاليەۆتىڭ ايتۋىنشا، اتالعان زاۋىتتىڭ قۇرىلىسىن جۋىق ارادا اياقتاۋ جوسپارلانىپ وتىر. بۇل مۇناي- گاز حيمياسىنىڭ ءونىمى بويىنشا قازاقستاننىڭ نەتتو- ەكسپورتەرگە اينالۋىنا مۇمكىندىك بەرەدى. مەملەكەت باسشىسى ەلىمىزدىڭ مۇناي- گاز حيمياسى سالاسىن دامىتۋدىڭ اسا ماڭىزدى ەكەنىن ايتتى.


سوڭعى جاڭالىقتار