نۇر- سۇلتانداعى الماتى، سارىارقا اۋداندارى گازبەن تولىق قامتىلدى - ەلوردا اكىمى

نۇر- سۇلتان. قازاقپارات - نۇر- سۇلتان قالاسىنىڭ الماتى جانە سارىارقا اۋداندارى تولىقتاي كوگىلدىر وتىنمەن قامتىلدى.
None
None

بۇل تۋرالى قالا اكىمى التاي كولگىنوۆ ءمالىم ەتتى، دەپ حابارلايدى قازاقپارات ءتىلشىسى.

«ەلوردا تۇرعىندارىنىڭ جىل ساناپ ارتىپ كەلە جاتقانى الەۋمەتتىك نىساندار مەن ينجەنەرلىك جەلىلەرگە دە قوسىمشا كۇش ءتۇسىرىپ وتىر. اسىرەسە سۋ جانە جىلۋمەن جابدىقتاۋ، ەلەكتر جانە كارىز جەلىسى، سول سياقتى نوسەر كارىزدەرىنە سالماق باسىم. بۇعان دەيىن جىلۋ ەلەكتر ورتالىعى قۇرىلىسىنىڭ ءجۇرىپ جاتقانى جانە قالانى گازبەن جىلىتۋ قازاندىقتارىنىڭ ىسكە قوسىلاتىنى تۋرالى ايتىلدى. وزدەرىڭىز بىلەتىندەي، قالانى گازداندىرۋ جۇمىسى قارقىندى ءجۇرىپ جاتىر. بۇگىندە الماتى جانە سارىارقا اۋداندارى تولىعىمەن گازداندىرىلدى. ول ءۇشىن 680 شاقىرىمنان استام گاز تاراتۋ جەلىسى سالىندى»، - دەدى التاي كولگىنوۆ قالالىق ءماسليحاتتىڭ كەزەكتەن تىس سەسسيا وتىرىسىندا.

سونداي- اق، اكىم قالعان ەكى اۋدانعا دا گاز جەلىسى تارتىلاتىنىن جەتكىزدى. قالا باسشىسىنىڭ ايتۋىنشا، بۇگىندە كارىز تازارتۋ قۇرىلىسىن جوبالاۋ مەن ەلەكتر جەلىلەرىن قايتا جاڭعىرتۋ جۇمىستارى ءجۇرىپ جاتىر.

بۇعان دەيىن التاي كولگىنوۆ قالادا گازبەن جىلىتۋ قازاندىقتارى ىسكە قوسىلاتىنىن حابارلاعان ەدى. ودان بولەك، بيىل ەلوردادا سورعى- سۇزگى ستانساسى جۇمىسىن باستايتىنى بەلگىلى بولدى.


سوڭعى جاڭالىقتار