قاراعاندىدا سوڭعى ءۇش كۇندە ەكى بالا تەرەزەدەن قۇلاپ كەتتى

قاراعاندى. قازاقپارات - ءبىرىنشى جاعدايدا ءۇش جاسار قىز بالا زارداپ شەكسە، ەكىنشى وقىس وقيعادا ءتورت جاسار ۇل بالا دەنە جاراقاتتارىن الدى. ەكەۋى دە اۋرۋحاناعا جاتقىزىلدى، دەپ حابارلايدى قازاقپارات ءتىلشىسى.
None
None

19- ساۋىردە تۇستەن كەيىن ءتورت جاسار بالا كوپ قاباتتى تۇرعىن ءۇيدىڭ ەكىنشى قاباتىنىڭ تەرەزەسىنەن قۇلاپ كەتتى. جازاتايىم وقيعا قاراعاندى قالاسى قۇرىلىسشىلار داڭعىلىنداعى ۇيدە ورىن الدى. الدىن الا مالىمەتتەر بويىنشا، بالا ەرەسەكتەردىڭ قاراۋىنسىز قالعان. زارداپ شەككەن ءبۇلدىرشىن اۋرۋحاناعا جاتقىزىلدى.

سىعان ۇقساس جاعداي 16- ساۋىردە دە ورىن الدى. 2019 -جىلى تۋعان قىز بالا قاراعاندى قالاسى گوگول كوشەسىندەگى 5 قاباتتى تۇرعىن ءۇيدىڭ 5-قاباتىنىڭ تەرەزەسىنەن قۇلاپ كەتكەن.

«قىز بالانىڭ جاعدايى تۇراقتى اۋىر. قازىرگى ۋاقىتتا ول جان ساقتاۋ بولىمىندە. ال ەكىنشى قاباتتىڭ تەرەزەسىنەن قۇلاعان ءتورت جاسار بالانىڭ جاعدايى ورتاشا اۋىر، بالالار تراۆماسى بولىمىندە جاتىر. كەشە جىلىنشىك سۇيەكتەرىنىڭ اشىق سىنىعىنا وپەراتسيا جاسالدى»، - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى.

ت ج د قىزمەتكەرلەرى قۇلاۋ جاعدايلارىنىڭ كوپشىلىگى اتا- انالار بالالارىن قاراۋسىز قالدىرعان كەزدە ورىن الاتىنىن ەسكە سالادى.

اۆتور: اگاتا مۋحامەدجانوۆا

سوڭعى جاڭالىقتار