نۇر- سۇلتاندا گازبەن جىلىتۋ قازاندىقتارى ىسكە قوسىلادى

نۇر- سۇلتان. قازاقپارات - بيىل ەلوردادا گازبەن جىلىتۋ قازاندىقتارى پايدا بولادى. بۇل تۋرالى نۇر- سۇلتان قالاسىنىڭ اكىمى التاي كولگىنوۆ ءمالىم ەتتى، دەپ حابارلايدى قازاقپارات ءتىلشىسى.
None
None

ول، سونىمەن قاتار قالاداعى 3- جىلۋ ەلەكتر ورتالىعىنىڭ قۇرىلىسى قايتا جانداناتىنىن دا ايتتى.

«پرەزيدەنت جولداۋىنا سايكەس، ءار ءوڭىر ينفراقۇرىلىمدىق دامۋ جوسپارىن جەرگىلىكتى ءماسليحاتتا بەكىتۋى ءتيىس. ەلوردامىز وركەندەي ءتۇسۋى ءۇشىن ينفراقۇرىلىمنىڭ جەتىلۋى ماڭىزدى. قالا حالقىنىڭ سانى جىل سايىن ءوسىپ كەلەدى. سوڭعى 10 جىلدىڭ ىشىندە ەلوردا حالقى 2 ەسەگە كوبەيدى. قازىر استانالىقتاردىڭ سانى 1 ميلليون 2 ءجۇز مىڭنان استى. ياعني، جىل سايىن حالىقتىڭ سانى 50 مىڭعا ءوسىپ وتىر. سوڭعى 3 جىلدىڭ ىشىندە 8 ميلليون تەكشە مەتردەن استام تۇرعىن ءۇي پايدالانۋعا بەرىلدى. وسى ورايدا، تۇرعىن ءۇيدىڭ كوپتەپ سالىنۋى جىلۋ، سۋ، جارىق تاپشىلىعىنا اكەلىپ سوعۋى مۇمكىن»، - دەدى التاي كولگىنوۆ قالالىق ءماسليحاتتىڭ كەزەكتەن تىس سەسسياسىندا.

قالا اكىمىنىڭ ايتۋىنشا، ەلوردانىڭ ينفراقۇرىلىمىن دامىتۋعا قارجىنىڭ باسىم بولىگى رەسپۋبليكالىق بيۋدجەتتەن بولىنەدى.

«كەيبىر ماسەلەلەردى جەرگىلىكتى بيۋدجەت ەسەبىنەن شەشۋىمىز قاجەت. ايتار بولساق، بۇگىندە 3- جىلۋ ەلەكتر ورتالىعىنىڭ قۇرىلىسى قايتا جانداندى. ونىڭ قۇرىلىسى 10 جىلعا جۋىق ۋاقىتتان بەرى ءجۇرىپ كەلەدى جانە ونىڭ قۇجاتى ەسكىرگەن. سونىمەن قاتار ەلوردادا گازداندىرۋ پروتسەسى جالعاسىن تابۋدا. وسىعان وراي ءبىز وزگەرىستەر ەنگىزىپ، قازاندىقتاردى گازبەن جىلىتۋ جۇيەسىنە اۋىستىردىق. ول ءۇشىن ۇكىمەتتەن ءتيىستى قاراجات ءبولىندى. بيىل گازبەن جىلىتۋ قازاندىقتارىن ىسكە قوسۋدىڭ ءبىرىنشى كەزەڭىن اياقتاۋىمىز قاجەت. قالاداعى قۇرىلىستىڭ قارقىنىنا قاراساق، ج ە و-3- ءتىڭ قۋاتى جەتپەيدى. سوندىقتان دا ءبىز گازبەن جىلىتۋ جۇيەسىن جوبالاپ جاتىرمىز»، - دەيدى ول.

سونداي- اق، شاھار باسشىسى ازىرگە 3 گازبەن جىلىتۋ قازاندىعى بولاتىنىن ايتتى. قازاندىقتار جاڭا ۆوكزال، اۋەجاي جانە جاعالاۋ اۋدانىندا ورنالاسادى.

ايتا كەتەيىك، بۇگىن نۇر- سۇلتان قالالىق ءماسليحاتىنىڭ كەزەكتەن تىس سەسسياسى ءوتىپ جاتىر. جيىندا قالانىڭ ينفراقۇرىلىمدىق دامۋى، تۇرعىن ءۇي، بالالار قاۋىپسىزدىگى، تاعى سول سياقتى ماسەلەلەر قارالىپ جاتىر.

اۆتور: ءالي يبرايەۆ


سوڭعى جاڭالىقتار