ون جاسار شاباندوز ات سپورتى تۇرلەرىنەن اشىق بىرىنشىلىكتىڭ جەڭىمپازى اتاندى
3 جانە 9 شاقىرىمدىق جارىستارعا 20-دان استام شاباندوز قاتىستى. اۋداننىڭ اشىق بىرىنشىلىگى جىل سايىن وتكىزىلەدى. جارىسقا قاتىسۋشىلار ونى وبلىستىق تۋرنير الدىنداعى ارالىق، سىناق كەزەڭى رەتىندە قابىلدايدى.
«جىل سايىن قاتىسۋشىلار سانى ارتىپ، ات سپورتى، ۇلتتىق سپورت تۇرلەرىنە دەگەن قىزىعۋشىلىق ارتىپ كەلەدى. ءبىز ونى قولداۋعا جانە شاباندوزداردى ىنتالاندىرۋعا تىرىسامىز. بيىل ات سپورتى بىرىنشىلىگىنە 20-دان استام شاباندوز قاتىستى. نەگىزىنەن 12 جاسقا دەيىنگى وقۋشىلار»، - دەيدى اقتوعاي اۋدانىنىڭ جاستار رەسۋرستىق ورتالىعى باسشىسى شىڭعىس ەلەگەن.
تاي- جارىسقا 16 شاباندوز قاتىستى. ءۇش شاقىرىمدىق مەجەنى ءبىرىنشى بولىپ مونشاق اتتى جۇيرىك ەڭسەردى. شاباندوزى - اقتوعاي اۋداندىق مەكتەبىنىڭ ءتورتىنشى سىنىپ وقۋشىسى ميراس مۇراتبەك. توپ جارىستا 8 شاباندوز باق سىنادى. توعىز شاقىرىم قاشىقتىقتا دا ميراس مونشاقپەن بىرگە العاشقى بولىپ كەلدى.
«مەن ميراس پەن ونىڭ مونشاق اتتى تايىن قاڭتاردان باستاپ جاتتىقتىردىم. ءبىز قاراپايىم قادامنان باستادىق، سودان كەيىن بىرتىندەپ تەحنيكانى وزگەرتتىك. بۇل ولاردىڭ العاشقى جارىسى جانە ولار بىردەن جەڭىسكە جەتتى. ەندى وبلىستىق تۋرنيرگە دايىندالىپ جاتىرمىز. ات سپورتى دامىپ كەلە جاتقانىنا قۋانىشتىمىن. مەنەن باسقا اۋداندا باسەكەلەستىك ورتا قالىپتاستىراتىن تاعى 5- 6 جاتتىقتىرۋشى بار. سوندىقتان ءارقاشان ۇمتىلاتىن بيىكتىكتەر جەتكىلىكتى»، - دەيدى جاتتىقتىرۋشى سۇيىندىك سماعۇلوۆ.
بارلىق جەڭىمپاز كۋبوكتارمەن، مەدالدارمەن جانە ەستەلىك سىيلىقتارمەن ماراپاتتالدى. ايتا كەتۋ كەرەك، قاراعاندى وبلىسىندا ات سپورتىن دامىتۋ باسقا دا اۋدانداردا قارقىن الىپ كەلەدى. ۇلىتاۋ اۋدانىندا وقۋشىلاردى اتقا ءمىنۋ مادەنيەتى ۇيرەتىلسە، يزەندى اۋىلىنىڭ جاستارى ۇلتتىق سپورت تۇرلەرىنىڭ تانىمالدىلىعىن ارتتىرىپ جاتىر.
اۆتور: اگاتا مۋحامەدجانوۆا
